[A:552] drin shin tu che ba'i ngang rang re'i chos brgyud du legs bzhugs kyi mdzad sgo dngos gsal bsnyon med legs gnang mdzad pa de ka ltar ro | | de yan chad kyis rang re'i chos brgyud kyi rim pa'i tshul cung tsam song zin |
2 dga' ston gyi tshul du brjod 'os du ma bshad pa |
da ni rang cag gi me tog lha babs kyi skal ba dus su thob pa'i zab mo chos kyis brgyud rim dpal ldan bla ma rdo rje 'dzin pa gong smos gang dag gi gsang ba gsum gyi rnam par thar pa gal chen re'i gnad don sa bon tsam re phyogs tshan nyer bsgrigs kyi mjug cha lag bcas legs par rdzogs zin nas mthar dga' ston gyi tshul du brjod 'os dus su babs pa ni 'di lta ste | bla ma'i rnam thar brjod pa'i phan yon | bla ma ji ltar bsten pa'i tshul | bla ma legs bsten gyi dgos pa | 'phags pa mchog gi mdzad tshul | so so'i skye bo'i gnas tshul dang lnga las |
(1) bla ma'i rnam thar brjod pa'i phan yon |
kong du zhib par bshad pa'i rang re'i nges don sgrub brgyud gtso bor gyur pa'i lung dang rtogs ba'i rdzogs ldan chos mchog bla na med pa ji ltar legs byung gi brgyud khungs rdo rje 'chang chen po nas bzung lta'i rang cag gi rtsa ba'i bla ma gang dag gi bar gyi brgyud ldan dpal ldan bla ma 'gro ba 'dren pa'i mchog tu mdzad tshul sna tshogs pa'i sgo nas rim par byon pa de thams cad kyang don dam par gnas lugs chos sku'i yin lugs la ltos na dam pa dang po'i sangs rgyas gzhi 'bras dbyer med kyi zung 'jug mthar thug par ro mnyam dgongs klong gcig pa nyid du ye nas nges pa yin te | spyir na kun rdzob tha snyad snang zhing srid pas nyer bsdus kyi chos yod do cog gang dag ni rten cing 'brel 'byung gi rnam par rol pa dpe rmi lam gyi yul snang dang sgyu ma'i 'phrul ji bzhin rnam par rtog pa 'khrul snang ngam rnam shes bslu ba'i ngo tsam du 'gro ba ma rig pa'i dbang du song ba'i snang shes can gang dag la mtshan mar 'dzin pa'i zhen 'dzin thog med nas goms cha rab tu brtan pas 'gro ba de kun la rang rang gi las snang du go chod chod kyi rtag thub brtan tshugs pa'i rnam par snang ba la a 'thas pas rgyun du 'khrul ba'i yo lang gi ngang du gnas shing der brten las nyon sna tshogs pas go skabs bral bar sdug bsngal phyi ma rnams su dbang med du sbyor bas 'khor ba'i sdug bsngal la a thang chad pa'i blo sun zhing kun nas yid mi 'ong du mi rtag cing bslu ba'i chos su gyur pa gang dag rnams ni 'khrul snang can gyis rang rang la log rtog gi mtha' ma bkag phyir sna tshogs kyi 'dzin sgo chos 'dra min mang po'i byed pa la brten nas de lugs ltar