[A:558] dogs pa sel zhing chu bo rnams sgrol | | dad pa bde legs grong khyer mtshon byed yin | | dad pa rnyog pa mes cing swms dad byed | | nga rgyal spong zing gus pa'i rtsa ba yin | | dad pa nor dang gter dang rkang pa'i mchog | | lag pa bzhin du dge sdug rtsa ba yin | | dad pas yongs su gtong la dga' bar byed | | dad pas rgyal ba'i chos la rab dga' bskyed | | dad pas yon tan ye shes khyad par 'phags | | sangs rgyas go 'phang thob cing 'thob par byed | | ces gsungs shing | | dad pa chos kyi gzhi rtsa mchog nyid du nges pas de med par dkar po'i chos yang dag cig rnam pa kun nas 'byung tshul med pa bka'i sde snod chos bcu pa las nges par gsungs pa yang | gang gis 'dren pa nges 'byung la | | dad pa theg pa'i mchog yin te | | de phyir blo dang ldan pa'i mis | | dad pa'i rjes su 'brang ba bstten | | ma dad pa yi mi dag la | | dkar po'i chos rnams mi skye ste | | sa bon me yis tshig pa la | | myu gu sngon po ji bzhin no | | zhes gsungs pa ltar dang | dad pa la sgo kun nas brtson pa lhur len dgos tshul mdo rgya cher rol pa las | kun dga' bo dad pa la brtson par gyis shig | ces dang | dad pa'i stobs kyis tshe rabs rnams su ngan song gsum sogs mi khams pa'i gnas su mi skye tshul seng ges zhus mdor | dad pas mi khom spong bar 'gyur | | zhes dang | dad pa nyid nor bu dang bum bzang 'dod 'jo'i ba mo bzhin 'di phyi'i legs tshogs kyi 'dod dgu kun gyi 'byung gnas dang phyi mar gang la dad yul gyi dag zhing du skye nges kyi tshul 'phags pa sdong po bkod pa las | dad pa nor bu bum pa bzang | | 'dod dgu bzho ba'i bzhon mtshungs pa | | bla ma dang ni sangs rgyas la | | de lta bas na mgu bar bya | | sangs rgyas dad pa'i bsod nams gang | | sangs rgyas zhing du skye bar 'gyur | | zhes dang | bla ma sangs rgyas lta bu dang 'phrad tshe de la dad gus byed mkhan ring min byang chub chen po'i go 'phang thob tshul 'phags pa me tog mchog gi mdo las | sangs rgyas phrad na shin tu dad | | dad nas shin tu gus par 'gyur | | gus pas nan tan byed pas na | | myur du byang chub par 'gyur | | zhes dang | mkhan slob la dad gus byed mkhan rin po che ltar 'jig rten na ches dkon pa'i skyes bu mchog yin tshul so thar gyi mdo las | sha ri'i bu 'di la byang chub sems dpa' ni mkhan po dang slob dpon la gus pas | gang yongs su mi gtong ba ni rin po che ltar 'jig rten na me do | | ces dang | | spyir chos tshig bzhi tsam zhu yul gyi slob dpon la dad gus bya dgos pa'i tshul drag shul can gyis zhus mdo las | tshig bzhi pa'i tshigs su bcad pa su la mnyan nam | lung nod dam blangs pa'i slob dpon de la chos kyis gus par bya'o | | zhes pa la sogs pa rgya cher gsungs shing sngon jo bo rje bod du byon skabs khong gi drung du | 'brom ston pas zhu ba | bod la sgom sgrub byed pa mang po yod pa la yon tan khyad par can brnyes pa mi bdog ste zhus pas | jo