[A:559] bo'i zhal nas | theg chen gyi yon an che skyes thams cad bla ma la brten nas skye ba la khyed bla ma la tha mal ba'i 'du shes las med ga na skye gsungs pa dang | jo bo la | a ti sha gdams ngag zhu zhes skad chen pos zhus pa na | he he kho bo la rna ba ta bzang po bzang po bdog ste man ngag bya ba dad pa yin dad pa dad pa gsung ba ltar dad pa shin tu gal che'o | |
bla ma slob dpon gang dag la rang rang gi slob tshogs kyis 'du shes ga 'dra 'jog dgos snyam na | rang rang gi bla ma slob dpo rnams bzang ngan gyi rnam pa ji ltar in kyang slob ma gang dag gi dag snang gis ston pa dngos kyi 'du shes 'jog dgos shing de 'dra'i zhe sa dang rim gro byas na spangs rtogs yongs su rdzogs tshul dam chos dkon mchog sprin las gsungs pa 'di lta ste | ji skad du | bla ma bsten nas dge ba 'phel zhing mi dge ba 'grib par rtogs pas mkhan po thos pa che ba'am chung ba'am shes pa'am mi shes pa'am tshul khrims dang ldan pa'am tshul khrims 'chal ba la'ang ston pa'i 'du shes bskyed de | ji ltar ston pa la dga' ba dang dad pa ltar mkhan po la'ang dad pa dang dga' bar bya'o | | slob dpon rnams la zhe sa dang rim gro bskyed de de la brten nas byang chub kyi tshogs ma rdzogs pa ni rdzogs par 'gyur | nyon mong pa ma spangs pa ni spong bar 'gyur snyam ste dga' ba dang rangs pa 'thob cing dge ba'i chos la de dang mthun par spyod la mi dge ba la mi mthun par spyod do | | ces pa ltar yin zhing |
gzhan yang slob dpon gyis slob ma rnams la chos kyi ming tshig yi ge ji snyed cig bstan pa de snyed la re re bzhin bskal pa'i bar la slob ma de dag gis bkur sti mchod pa sogs byas kyang slob dpon de rnams kyi sku drin nges par 'khor thabs dka' tshul drag shul can gyis mdo las | ming dang tshig dang yi ge snyed kyi tshigs su bcad pa de bstan pa de snyed kyi bskal par gal te slob dpon de la g.yo med par rnyed pa dang bkur sti dang mchod pa thams cad kyis rim gro dang bsnyen bkur byas kyang | khyim bdag da dung du slob dpon la slib dpon du gus par bya ba yongs su rdzogs pa ma yin na chos ma yin pa'i gus pas lta ci smos | zhes gsungs pa bzhin te | mdo phar phyin theg pa dang theg dman 'dul ba gang gi skabs su'ang bla ma slob dpon la slob tshogs kyis ston pa'i 'du shes 'jog dgos tshul de dang 'dra zhing | khyad par gsang chen theg pa'i skabs su ni slob dpon rdo rje 'dzin pa gang dag la rdo rje'i slob bu'i tshogs rnams kyis ji ltar blta tshul lag na rdo rje dbang bskur ba'i rgyud las byung ba ltar te | rgyud de nyid las | gsang ba'i bdag po slob dpon la slob mas ji ltar blta bar bya zhe na | sangs rgyas bcom ldan 'das la ji lta ba de bzhin du'o | | de yi sems ni ltar na | | rtag tu dge ba skye bar 'gyur | | de ni 'jig rten thams cad la | | phan par byed pa'i sangs rgyas 'gyur | | zhes gsungs shing | de ltar bla ma slob dpon mchog gang dag gi yon tan kho na bzung ba ma gtogs