[A:560] skyon gyi phyogs nas log par rtog pa ni slob dpon rang rang gi slob tshogs rnams kyis nam yang mi rung ba'i tshul rgyud de nyid las | slob dpon gyi ni yon tan bzung | | skyon ni nam yang bzung mi bya | | yon tan bzung na dngos grub 'thob | | skyon rnams bzung na dngos ,o 'grub | | ces gsungs pa ltar ro | |
tshul de ltar gyis mdo sngags gang gi skabs su slob dpon rnams la rang rang gi slob tshogs dag gis kha tsam ma yin gting nas dad gus nges par bya dgos pa yin na | ji skad du | dad pa'i zhing ni slob dpon yin pas bla ma'i rnam thar bshad par bya'o | | zhes gsungs pa ltar mdo dang sngags kyi skabs thams cad du lam yongs rdzogs kyi rkang 'jog byed byin rlabs kyi sgo legs phye mdzad pa'i gzhi gcig pu nyid du nges pa ni rang rang la mdo sngags gang gi lam gyi chos tshul legs par 'doms pa'i bka' drin can dge ba'i bshes gnyen mchog nyid la yid gting nas dad pa'i rtsa ba brtan po yod pa la thug phyir dad pa de 'dra sgo kun nas bskyed pa'i thabs kyi gtso bo ni rang cag rnams kyi nyams len zab chos kyi brgyud rim dpal ldan bla ma dam pa gang dag gi gsang ba gsum gyi rnam par thar pa ji bzhin shes pa de yin pas de ltar na brgyud pa'i bla ma rnams la dad pa bskyed pas de dag gi byin rlabs slob bu'i sems rgyud la zhugs pas mdo sngags kyi lam skabs su gang babs sems rgyud la rim pas skye ba nas bzung ring min mthar thug gi byang chub mchog mngon du gyur pa'i bar du nges par byung bas na slob dpon rdo rje 'dzin pa gong smos gang dags gi thuTa? slob thams cad la rab mthar thug gi go 'phang 'bring gnas skabs lam gyi rim pa tha ma dkar chos la blo kha phyogs pa yan chad ni gang las byung na bla ma rnams kyi gsang gsum gyi rnam thar ji bzhin shes nas de dag la mi phyed pa'i dad pa 'khrungs pa la brten nas byung ba sha stag yin pas de lta bu'i yon tan ma lus pa dam gong ma'i rjes 'jug skal ba dang ldan pa phyis 'byung rnams la nges par gang byung thams cad ni dpal ldan bla ma gang dag gi rnam thar legs brjod kyi phan yon dngos de yin la | de lta bu'i bla ma dam pa gang dag gi rnam par thar pa dus su ji bzhin brjod pa'i yon tan gyi sgo grangs med pa'i tshul rgyal ba ston pa nyid kyis mdo sngags kyi sde snod gang dag rnams su ches mang gsungs pa las 'dir mtshon tsam bsdu na gang zag la las stong gsum gyi stong chen po'i 'jig rten gyi khams rin chen sna bdun gyis phyir bur bkang ste ma lus pa de dag gis sems can la sbyin gtong byas pa'i bsod nams las bla ma dam pa gang dag gi rnam par thar pa tshig bzhi pa'i phyed tsam gzhan dag la ston pa'i phan yon ches nges par mang zhing rgya kun nas che ba'i tshul | dri med grags pas zhus mdo las ji skad gsungs pa 'di lta ste | rab 'byor gang la la zhig gis stong gsum gyi stong chen po'i 'jig rten gyi khams 'dir rin po che sna bdun gyis rab tu gang bar byas te