[A:561] spyin pa byin na bsod nams mang du bskyed dam | rab 'byor gyis gsol | bcom ldan 'das mang lags so | | bde bar gshegs pa mang lags so | | bcom ldan 'das kyis bka' stsal pa | rab 'byor gang la la zhig gis bla ma'i rnam thar gyi tshig bzhi pa'i phyed tsam ston na | de bas bsod nams mang du bskyed par 'gyur ro | | zhes pa'i bka' nye bar stsal ba ltar te gzhan yang slob dpon dang mkhan po'i rnam thar ram gnas tshul gyi mtshan nyid | ji bzhin bshad pa la brtson pa kun nas bskyed dgos tshul gzhon nu lugs bstan gyi mdo las | gzhon nu slob dpon gyi mtshan nyid bshad par bya'o | | mkhan po'i yon tan gyi bshad pa la brtson cig | ces dang | slob dpon gang dag gi rnam thar ram mtshan nyid du zhig gis bshad tshad la bsod namsdpag med thob cing lha srung gis bar chad las legs skyobs mdzad pa'i phan yon dus su nges par byung ba'i tshul 'phags pa ganTi rgyas pa'i mdo las | slob dpon mtshan nyid sus bshad par | | ces dang | byang cub sems dpa' gang gis rang rang gi bla ma rnams kyi rnam thar ram mtshan nyid ji bzhin zhib tu shes shing mos gus gting nas byed pa gal che ba'i tshul khrims dri med gsal ba'i mdor yang kun dga' bo tshul khrims dang ldan pa'i byang chub sems dpa' ni bla ma'i mtshan nyid la rtogs par bya'o | | zhes dang | chos nyan sgrub kyi gang zag su yin kyang rung de rnams kyis rang rang gi bla ma rnams kyi rnam thar pa zhib rgyas su ji bzhin gtan pa phabs nas de dag gi don gzhan dag la'ang ji bzhin bshad na don chen po yod tshul gyi go don byang chub shing drung du 'jug pa'i mdo las | 'od srung bla ma'i rnam thar la rtog cing bshad par gyis shig mkhan po'i mtshan nyid la nan tan gyis shig | ces pa la sogs pa mdo sde du mar bla ma rnams kyi rnam thar ji bzhin rtogs pa dang gzhan la brjod pa'i phan yon ches mtha' klas pa gsungs shing |
gzhan yang tshul de rnams dang mthun par gsang sngags kyi mchog thun mong gi dngos grub ma lus pa'ang rdo rje slob dpon mchog gi rjes su nges par 'brang phyir rdor slob kyi bla ma med par slob tshogs la dngos grub sgo gang nas 'byung mi sring pas na de lugs ltar dngos grub kyi rtsa ba bla ma mchog la dad gus spel slad de'i rnam thar ram mtshan nyid la slob tshogs kyis sgo kun nas 'dris par byas te de dag gi tshul skal ldan gzhan dag la'ang ji bzhin bshad dgos tshul dpal sgyu 'phrul drwa ba'i sngags rgyud las ji skad bstan pa yang 'di bzhin te | re zhig dang por dngos grub ni | slob dpon rjes su 'brang yin pas | | slob dpon med par gyur nas ni | | dngos grub thob par mi 'gyur bas | | slob dpon mtshan nyid bshad par bya | | zhes las dang po ba'i dngos grub che chung slob dpon la rag las par gsungs shing | mtshan dpe mnga' ba'i lah bskal pa stong du sgom pa bas sngags