[A:564] bslab pa gsum dang ldan dgos shing | de yang lung rtogs kyi yon tan gang thad nas slob ma las lhag pa dang | gzhan don la spro ba'i brtson 'grus che zhing brtan pa dang | lung sde snod gsum la sogs pa la mang du thos pa dang ldan pas lung gi chos kyi rgyud legs par phyug pa dang | shes rab bslab pa khyad par can zab mo'i gnas lugs kyi don rtogs pa'i ye shes mnga' ba7am lung rigs yang dag pa dang ldan pa dang | gdul bya chos kyis ji ltar bkri ba'i rim pa la mkhas shing gzhan dag la de lugs kyi chos 'chad pa la thogs pa med pa dang | chos ston pa'i kun slong yang rnyed bkur sogs la mi blta bar byams snying rje kun nas bslangs pa'i bsam pa yang dag pa'i bdag nyid can dang | chos gzhan la ji lyar 'chad dgos kyang mi ngal zhing de la dka' spyad bzod pas skyo ba spangs ste slob dpon gyi mtshan nyid bcu po las gong ltar gyi dul ba | zhi ba | nyer zhi | yon tan lhag pa | lung gis phyug pa | de nyid rtogs pa dang | drug po de rang gis thob pa'i yon tan yin la | lhag ma brtson bcas | smra mkhas | brtse ba | skyo spangs bzhi ni gzhan rjes su 'dzin pa'i yon tan te | de dag kha tshang ba'i slob dpon de mchog yin mod |
'on kyang dus dbang gis de 'drar ma rnyed na ji ltar bya snyam na | dpung bzang gis zhus pa las | sgrub grogs kyi mtshan nyid gsungs pa'i nang tshan la | 'di skad | de lta'i yon tan ma lus ldan pa dag | | rtsod pa'i dus na shin tu dkon pas na | | yon tan phyed dam bzhi cha brgyad cha can | | de lta bu ni sngags pa'i grogs por bsten | | zhes byung ba ltar 'dir bla ma la'ang mtshungs so zhes sngon bod du byon pa'i bka' gdams pa'i srol 'byed mnyam med jo bo chen pos gsung gnang mdzad pa ltar da skabs su'ang gong smos kyi slob dpon mchog gi mtshan nyid bcu las phyed dam pa zhi cha'am ma mtha' brgyad cha tsam tshang na deng dus kyi slob dpon chog pa'i tshad du byas la | slob ma'i mtshan nyid kyang | bzhi brgya pa las | gzur gnas blo ldan don gnyer ba'i | | nyan po snod ces bya bar bshad | | ces gsungs pa ltar slob dpon tshul bzhin bsten pa'i slob ma gang dag rang phyogs la kun nas zhena cing | de la 'os med kyis bkur ba dang | gzhan phyogs la drang por yid 'thad mi byed par de la 'os med kyis sdang phyogs bcad pa ni gzu bor mi gnas pa | zhes bya la | de 'dra'i phyogs lhung gi blo med par rgyud drang por gnas pa dang | legs bshad dang nyes bshad kyi cha so sor 'byed nus pa'i blo mthu dang ldan pa dang | chos kyi phyir brtson pa'i don gnyer chen po dang ldan dgos pa ste de dag ni slob dpon dang slob ma spyi'i mtshan nyid ying zhing |
khyad par gsang chen theg pa'i skabs su'ang gsang sngags rang gi khyad chos ci rigs pa ma gtogs bla ma'i mtshan nyid spyi rnams theg chen dge ba'i bshes gnyen dang spyir btang nas mi 'dra ba med pas bla