[A:567] dus na ston pa sangs rgyas 'khor bcas lho phyogs kyi ri mtho ba la gshegs pa'i tshe | 'khor de'i nang nas byang chub sems dpa' mthong ba don yod kyi bsam pa la | kye ma da lta ni sangs rgyas la chos nyan du yod na | sangs rgyas 'das nas ji ltar bya snyam pa dang | | sangs rgyas kyi zhal nas | kwa ye mthong ba don yod khyod | | phyi ma'i dus su gyur pa na | | nga ni slob dpon gzugs kyis ston | | gsungs | yang sngon ston pa sangs rgyas kyis bya gsod pa'i rngon pa sa twa zhes pa sku dngos kyis gdul ba'i skal bar ma gyur pas | kho rang 'dra ba'i rngon par sprul te thabs kyis btul ba'i lo rgyus bzhin | sngon dus sangs rgyas kyis 'dul ba'i spyod yul du ma gyur pa rnams la deng sang snyigs dus 'dir gang la gang 'dul gyi dge ba'i bshes gnyen gyi sprul nas 'gro ba'i don mdzad pa yin te | rNga bo che'i mdo las | mya ngan ma byed kun dga' bo | | nga ni phyi ma'i dus su ni | | dge ba'i bshes gnyen nyid sprul nas | | khyod la sogs pa'i don byed 'gyur | | zhes gsungs pa ltar dang | de ma zad ston pa nyid drang srong skar ma la dga' bas rang snang ma dag pa'i dbang gis mu stegs kyi drang srong du mthong ba'i lo rgyus yod pa sogs yul dngos gnas de rang la bslad byed kyi dbang gis ji bzhin mthong mi nus pa mang tshod du 'dug la | rang cag lta bu'i dbang po dman pa gang dag ma zad sngon du byung ba'i spyod pa mchog gi gnas la bzhugs pa byang chub sems dpa' nor bzang gis | bla ma de nyid bram ze rgyal ba'i drod du mthong ba dang | 'phags pa thogs med rje btsun byams pa khyi mo ro smad 'bus g.yeng bar mthong | slob dpon mtsho skyes kyis | yan lag med pa'i rdo rje phag rdzir mthong | slob dpon sangs rgyas ye shes kyis 'phags pa 'jam dpal zhing las byed par mthong | NA ro pas te lo pa nya gson por bsreg pa sogs mi 'tsham pa byed pa'i smyon pa lta bur mthong | mai dri pas rnal 'byor gyi dbang phyug sha ba ri pa rngon par mthong ba sogs sngon byon skyes chen dam pa rnams la yang mthong snang de 'dra byung yang de dag gis ma dad pa med par | gus pa phyir zhing 'phel bas | dngos grub thob pa dang | ma dad pa'i rnam rtog skad cig re res kyang dngos grub la bar chad byung ba ltar | bdag kyang bla ma'i mdzad pa ji lta bu mthong yang dad pa 'phel ba zhig byed dgos snyam du bsam dgos la |
gzhan yang blo sbyang tshul ni | bla ma de'i sku gsung thugs kyi skyon mthong ba'am | mdzad spyod kyi sgo nas mi dge bcu mdzad par mthong yang | bla ma de'i sku gsung thugs kyi skyon mthong ba'am | mdzad spyod kyi sgo nas mi dge bcu mdzad par mthong yang | bla mas mdzad pa 'di lta bu mdzad pa ni | gdul bya gang la gang 'dul gyi dbang las | sems can dpag tu med pa smin grol du mdzad pa'i 'phrin las yin | dgos pa'i dbang las sngon ston pa sangs rgyas kyis gzhan la sdig pa'i rnam smin shin tu che zhing | su gang gis bzlog tu med par myong dgos pa ston pa'i ched du dgongs nas thabs tshul sna tshogs mdzad pa 'phags skyes kyis shAkya bdun stong bsad dus | dbu snyung zhing klad pa mi bde ba byung