gyis 'gro don mdzad pa yin pas sangs rgyas dngos dang khyad par med pa lta bu ni yin | de mnyes na sangs rgyas mnyes | de la sdig bsags na sangs rgyas la sdig bsags par 'gro | de mchod pas sangs rgyas thams cad mchod pa'i phyir slob ma'i sgrib pa thams cad zad par 'gyur te | 'jam dpal zhal lung las | ma 'ongs rdo rje 'chang ba ste | de la brnyas byed sems can gang | | de yis nga la brnyas byed pas | | ngas ni de kun dus su spong | | zhes dang | 'di yi don ldan 'ga' zhig la | | nga ni de yi lus gnas te | | sgrub po gzhan la mchod pa len | | de mnyams de yis rang gi rgyud | | las kyi sgrib pa dag byed do | | ces gsungs | 'on kyang mos gus bsgom pa'i tshul ni rtsa ba'i bla ma de nyid | dngos po la su gang yin rung so so'i skye bo'am 'phags pa slob pa lta bu dang | dge ba'i bshes gnyen phal sogs su blta ba ma yin | sangs rgyas dngos su bsgom dgos don la sangs rgyas gcig dang mang po khyad med kyang | mos gus 'jug tshul la khyad yod pas sangs rgyas kyang gcig gam gnyis lta bu ma yin | phyogs bcu dus gsum gyi sangs rgyas kun 'dus pa'i ngo bo yin | de'i phyir chos dang dge 'dun kun yang 'dus | de bas na bdag gi bla ma 'di dngos gnas la dkon mchog kun 'dus | bla ma nyid dkon mchog gsum | dkon mchog gsum nyid bla ma yin | rang re'i snang ngo dang bstun na | dkon mchog gsum las kyang bla ma bka' drin che | phyogs bcu'i sangs rgyas rnams spyir na bzang ste | bdag la zhal mi ston gsung mi 'byon | sangs rgyas dang | yi dam dang | byang sems mkha' 'gro chos skyong sogs dngos su byon kyang rung | bdag la dpal ldan bla mas mdzad pa las lhag po mdzad rgyu dang ston rgyu med | de dag dngos su mjal ba'i skal ba med du 'dir | de rnams kyi mdzad rgyu thams cad bla mas mdzad pa yin bka' drin rang che'o snyam pa dang | chos bcu pa'i mdo las | bla ma'i bka' drin dran tshul gsungs pa | bdag yun ring du 'khor bar 'khyams pa tshol bar byed pa dang | bdag yun drin du gti mug gis bsgribs shing gnyid log pa'i sad byed dang bdag srid pa'i rgya mtsho'i nang du bying ba'i 'byin byed dang | bdag lam ngan par zhugs pa la lam bzang po ston byed dang | bdag srid pa'i btson rar bcings pa 'grol byed dang bdag yun ring por nad kyis nyam thag pa'i sman pa dang bdag 'dod chags la sogs pa'i mes kun tu 'bar ba zhi bar byed pa'i char sprin gyi 'du shes bskyed do | | ces pa ltar gyi go don yid la bzhag ste mdor na bla ma sangs rgyas su shes pa | bka' drin dran pa | gdung shugs drag pa |