[A:755] rin chen thams cad kyi 'byung gnas so | | byang chub sems dpa'i spyod pa thams cad yongs su dag cing yongs su rdzogs pa'i rgyu'o | | dran pa rnam par dag par byed pa'o | | gzungs kyi dkyil 'khor la sbyor ba'o | | ting nge 'dzin gyi snang ba bskyed pa'o | | sangs rgyas mthong ba bsgrub pa'o | | sangs rgyas kyi chos kyi sprin gyi char 'bab pa'o | | zhes dang |
gro lung ba'ibstan rim las | de mthong bas kyang yon tan rin chen tshogs | | kun 'byung rgyal sras spyod pa rdzogs pa'i rgyu | | dran dang ting 'dzin gzungs sogs 'grub pa ste | | sangs rgyas mthong zhing don chen kun rdzogs 'gyur | | gsungs | pha dam pa'i zhal nas | yi dam gyi lha brgya'i zhal mjal ba las | bla ma'i zhal ras lan cig mjal ba phan yon che ste bod blun po tsos ma go | zhes gsungs shing | bla ma lan re tsam dran pa'i phan yon ye shes gsal ba'i sgron me'i rgyud las | gang gis bskal pa brgyad khri bzhi stong gi bar du sbyin pa btang | tshul khrims bsrung | bzod pa bsgoms | brtson 'grus brtsams | bsam gtan la mnyam par bzhag | shes rab bskyed pa las | lha'i sku mtshan dang dpe byad kyis brgyan pa skad cig dran pa bsod nams che | de bskal pa brgyad khri bzhi stong gi bar du bsgom pa bas bla ma skad cig dran pa bsod nams che'o | | de ci'i phyir zhe na | tshe 'di nyid du sangs rgyas pa'i phyir ro | | zhes dang | kun 'dus las | gang gis bskal pa 'bum phrag tu | | lha sku 'bum phrag bsgoms pa bas | | bla ma dran pa bsod nams mchog | | bsod nams 'di ni pha mtha' yas | | gsungs | kri ya dpung bzang gi rgyud las | skyes bu de ni mngon sangs rgyas | | zhes gsungs pa ltar dang |
bla ma la gsol ba btab pa'i yon tan rje rgod tshang bas 'di ltar gsungs pa ste | spyir ni bsam gyis mi khyab lags | | mdo tsam bsdu na 'di tsho yin | | gsol ba btab pa'i phan yon ni | | rje dang thugs yid gcig tu 'dres | | gsol ba btab pa'i phan yon ni | | thun mong ma yin rtogs pa 'char | | gsol ba btab pa'i phan yon ni | | rgyun chad med pa'i nyams myong yong | | gsol ba btab pa'i phan yon ni | | dkon mchog thugs rjes rtag tu skyobs | | gsol ba btab pa'i phan yon ni | | ci bsam dgos 'dod lhun gyis grub | | gsol ba btab pa'i phan yon ni | | mkha' 'gro chos skyong bu bzhin gzigs | | gsungs | dge bshes ston pa'i zhal nas | ngas ni yi dam lha la gsol ba btab pa las | a ti sha la gsol ba btab pa byin rlabs che bar nyams myong yod | ces gsungs pa ltar dang |
bla ma'i sku 'dra bzhangs pa dang mchod bstod kyi phan yon a ti bkod pa'i rgyud las | 'jig