[A:580] pa | | de ltar shes nas dngos kun gyis | | bsten bya dus gsum sangs rgyas kyi | | dngos grub bde chen thob par 'gyur | | zhes gnas lugs kyi tshul ji bzhin shes pa'i ngang nas de nyid bsgom pa la gang gis 'bad tshad zab mo gsang chen gyi gnad la myur nas reg nges kyi bka' lung gsal po dus su byung ba'i phyir |
tshul de lugs ltar don dam rnam kun mchog ldan gyi mdzad pa gang 'dul 'gro blo'i ngor rang rang gi dbang po dang skal ba ji ltar 'tsham pa'i tshul du rnam par sprul pa'i rol gar 'gog med dus su nges par byung tshul rigs ldan spyan ras gzigs kyis 'grel chen dri med 'od du'ang tshul de kho na bzhin legs par gsungs pa yin te | 'grel chen de nyid las | rnam pa kun gyi mchog ldan pa | | sku ni mos pa sna tshogs las | | rang rang bsam pa sems can gyi | | mthong bas sprul pa'i mtshan nyid do | | ces sogs zhib par gtan la phabs pa'ang tshul de ga ltar las gzhan du 'os med pas so | |
de ltar na slob pa dang mi slob pas bsdus pa'i 'phags chen gyi go 'phang la nges par bzhugs pa gang dag gis dus kyi dbang las rang rang gi gang 'dul gyi gdul bya rnams kyi bsam pa la ltos nas tshul de lugs ltar gyi mdzad pa bstan pa'i sgo nas 'gro ba'i don nges par mdzad pa yin te | gnas 'og min lta bu'i zhing du'ang don dam chos sku'i rang mdangs kyi rnam par rol pa ston 'khor tha mi dad cing kun nas rang snang rnam pa thams cad pa'i mdzad chen mchog rang bzhin dag pa chen po'i gshis lugs lhun grub gsang gsum rgyan gyi 'khor lo che ba kun rdzob ris su gang nas gcod mi nus pa'i bdag nyid can gyi sbyings brjod bya'i yul las 'das pa'i ngo mtshar sgyu ma'i bkod pa 'byams klas pa'i tshul dang | gzhan snang dag pa sa bcu'i sems dpa' nyag gcig gi spyod yul kun bzang dag pa mchog gi 'khor lo bla chen ye shes dam pa'i mdzad sgo phun sum tshogs pa'i cho 'phrul gyi rnam par rol pa'i mdzad tshul dang | thun mong gzhan dag gi snang ngor mdzad pa bcu gnyis kyis mchog gi sprul sku'i bkod pa khyad par bas 'dzam gling bye ba phrag brgya sogs su ngo mtshar gzugs sku'i rnam pa ci dgar nye bar ston pa dang | gzhan yang dag pa dang ma dag pa'i zhing rnams su snod bcud sna tshogs pa'i bkod pa 'dra min dang | bcud kyi skye 'gro'i khyad par bzang ngan bar ma gang yang rung ba sogs gang 'dul gyi mdzad pa skabs kyi gdul bya gang dag dang legs par 'tsham pa'i mdzad 'phrin gyi sgo nam yang ris su ma chad cing dus rtag par byung ba yin la | de 'dra'i mthar thug gi go 'phang na bzhugs pa'i mdzad sgo de dang mtshungs pa ni gnas skabs slob pa'i lam gyi 'phags pa'i ye shes nye bar mnga' ba gang dag la'ang mchog dman ci rigs pa'i tshul gyis nges par 'byung chog pas de lugs ltar gyi gdul bya 'dul ba'i mdzad rlabs kyang rang tshod la ltos pa tsam gyi rang rang gi mdzad pa 'phrin las byed pa gdul bya de