[A:588] spyod shog | | | |
par byang smon tshig |
'dir smras pa | kun rtog rdul mang rab dwangs rang gshis spros bral mi rtog ye shes 'khor 'das yongs khyab chu gter mtshungs | | rtag chad spangs pa'i mtha' bral dbu ma chen mo'i lugs bzang kun rtog yul 'das brtse chen rlabs phreng g.yo | | phyogs lhung dang bral cha med kun khyab sku zing cig char rab ston 'khor 'das snang brnyan 'bad med ngoms | | ye bzhugs dam pa dang po'i sangs rgyas rtag brtan nang dbyings g.yo med lhun grub de la gus pas 'dud | | gang sku zhing khams kun la'ang dus gsum kun tu sku gsum mdzad bzang dpag yas 'gro la cig char ston | | gang gsung 'gro ba kun la'ang sgra skad sna tshogs yid kyi rjes 'gro ji bzhin dam chos cig char ston | | gang thugs shes bya'i gnas la'ang ma 'dres so sor gsal bar mkhyen pas de lugs thabs mkhas cig char ston | | gang de rdo rje 'chang la'ang snyan tshig bstod bsngags utpala phreng bstar dad bcas rnam 'gyur du ma ston | | 'dod chags rnyog ma'i sgrib gnyis las grol rtag tu 'dod chags chen po'i rba rlabs g.yo zhing brtse chen rlan | | dngos dang dngos med rnam pa dang bral drug brgya so drug rten dang brten pa'i rgyu skar snang brnyan gsal | | gcig dang du ma'i gzugs kun spangs pa'i rgyud sde bye ba'i pas dkar dbus su skal bzang gser ldan mar | | gdams ngag nor bu'i 'khri shing rgyas pa e waM zung 'jug lha dbang thor cog bkrol ba'i bkur 'os gnas | | skal bzang rnam 'dren stong las thugs bskyed khyad 'phags utpala dkar pos nor 'dzin 'gengs bzhin 'gro ba'i don | | gzigs pas skal chen rnams su tshogs gnyis khyad 'phags mthar phyin mdo sngags sbrang rtsi'i rgyun bzang 'bad med lung | | dpag yas 'gro ba'i snyim par blug ste khyad 'phags sman 'di 'thung bas nyon mongs nad kun drung phyung ba | | bu ram shing pa sangs rgyas kun las khyad 'phags lha yi lha la'ang gus pas mtshan bzang 'khor lor 'dud | | he ma bha dA'i byang phyogs bsil ri'i dbus | | rdzogs ldan chos gter gangs kyi rgyal mo 'gying | | lta ngan log smra wa skyes dpung tshogs brnyil | | zla bzang la sogs chos rgyal yongs la gus | | 'dzam gling lhor gnas bsags stobs mthu smin gzigs | | kalApa ru rdzu 'phrul stobs kyis phebs | | dus 'khor rgyud rgyal 'grel chen bcas gdan drangs | | dus zhabs che sogs rgyun 'dzin phyag gis yul | | mdo sngags rgyal bstan rin chen sna tshogs 'di | | dbang lung man ngag gser gyi srad bur bstar | | skal ldan mgrin pa'i rgyan du spras pa 'di | | lo paN rim byon bka' drin yin yang dag | | rtag chad lta