[A:52] rgyal po nyid mu stegs pa la dad pas dpag tshad brgya 'khor yug tu phyi nang gi rab byung gzhan bsrung zhing sngar gnas rnams bskrad glo bur ba yong du ma bcug nas mchod sbyin khang par sred med bu'i sku la mchod yon 'bul tshe | glo bur du rnal 'byor pa zhig byung nas mchod sbyin chu snod du khrus byas pas bram ze rnams kyis brdeg par brtsam pa na | phaTAye | zhes zer bas mchod sbyin gyi khang pa zhig pas de thams cad skrag pa na | rnal 'byor pa'i zhal nas | rgyal po la khyod kyi bu ni skye ba sngon du sangs rgyas pa'i rigs yin pas 'di'i btsas ston bram ze'i mchod sbyin mi 'os | rnal 'byor pa la mchod pa rgya cher gyis zhes gsungs | khyod su zhig zhus pas me ghanAtha'o gsung | de ltar rnal 'byor pa'i bka' bzhin byas | ming ra ma gopAlar btags | phyis su sras kyis kyang sangs rgyas dang slob dpon gorakSakhona'i bsngags pa brjod | yum rgyal rigs kyi bu mo lakSmI ni thog ma nas sangs rgyas la dad pas paNTita gsum ldan rdo rje'i 'dzin pa bsod snyoms shig spyan drangs | des kyang rgyal bu la sangs rgyas kyi bstod pa mang po 'dzin du bcug | lha mang po'i dbang bskur rig sngags byin pas sngon gyi skye ba mang po dran | khyad par yang srid snga ma bod du chos kyi sgron me sbar ba yang dran pas kun gyis ngo mtshar du 'dzin | yang bsod snyoms pa kubta mudra las sems bskyed dang zab chos mang du nod pas rnal 'byor la brson par mdzad | yang skabs shig nags tshal du rgyu tshe | shing drung zhig na rnal 'byor pa bcud len grub pa g.yog spre'u gsum dang dom zhig gis byed pa mnyam bzhag tu rlung gi rgyu ba 'gag pa grub thob okoranAtha'i dngos slob meghanAtha'am dzwalanAtha zhes bya ba bzhugs pa mthong bas dad de de la bsnyen bkur mdzad pa na byin rlabs dang gdams ngag gnang nas bu khyim du ma 'gro de nyid du sdod ces gsungs nas bsdad pa na | yab kyis slob dpon gyis bu ma btang ba la khros nas rta pa stong phrag gnyis btang ba rnams slob dpon gyis rengs par mdzad pas thams cad ngo mtshar nas mos gus byas pas rengs pa rnams grol zhing rgyal po la sbran pas rgyal po yang ngo mtshar skyes nas slob dpon la phyag 'tshal bzod gsol phul bas slob dpon gyis kyang bibhuti'i thig le yang bstsal to | |des na rgyal bu 'di skabs 'gar slob dpon rnam gsum ( paNDina |kubhamudra | meghanAtha ) gyi drung dang | skabs 'gar pho brang du bzhugs | yab dang lhan cig baNDabarhana sogs yul mang por byon | slob dpon Anandaprashoti dang mjal | sgrol ma'i bzlas lung mnon pas 'phral rtags byung | rajagRha sogs gnas chen kun dang nags dang grong khyer kun tu ngo mtshar sgyu ma'i rol rtsed mdzad cing | skyes bu mchog gi lo brgya'i bya ba de 'dis lo brgyad du nye ba na rdzogs par mdzad ces grags skad do | | de dag skye rabs bcu gsum gyi sa bon tsam mo | |