[A:53]
(2) rje btsun kun dga' snying po'am tAranAtha'i mdzad 'phrin |
gnyis pa mdzad tshul dngos la | thog bar tha gsum gyi mdzad pa gsum las |
28. dang po thog ma'i mdzad tshul yang sku skye bcu bzhi pa rje btsun kun dga' snying po ste | de yang bod khams skyong ba'i brtan ma bcu gnyis kyi nang nas rdo rje g.yu sgron ma'i gnas kha rag 'brang gi phu | sngon rwa lo tsA ba chen po'i brgyud pa rim par byon pa'i bsti gnas da lta chos 'khor sdengs su grags pa rwa shar nub gnyis las shar ba kun dga' seng ges btab pa'i dgon gzhi der | de'i gdung brgyud sngags 'chang tshul khrims rgya mtsho la sras bzhi byung ba'i che shos rnam rgyal phun tshogs dang yum rdo rje bu dga' lha mo gnyis kyi sras su ( spyi lo 1575 | rab lo 10.09 ) shing mo phag lo chu stod zla ba'i tshes brgyad la grod pu 'ja' tshon kha dog lnga ldan gyi nang du 'khrungs | de yang kha 'byed ma thag khye'u sku la sha mtshan khrag zhag gi thig le li khri'i tshangs skud kyi rnam pa can | phyag zhabs la 'khor lo dang sku la gur gum gyi dri ngad ldan pa spyan gyis phyogs thams cad la gzigs bzhin zhal nas sum bhani'i sngags lan gsum brjod pa zhig bltams so | | de skabs mes pos pad ma sri gcod rdo rje zhes pa'i mtshan gsol | ngo mtshar ba'i ltas kyang nye skor gyi ldum ra na me tog mang po'i kha 'bus | nam mkha' nas me tog gi char zhag bdun babs | bya bye'u rnams kyang skad snyan sgrogs shing | ri dwags rnams rtse dga' byed | mi nad phyugs nad chad cing mi rgan rnams tshe 'phel nas gzhon sha can du gyur pa sogs ya mtshan pa ches mang ngo | | zla ba brgyad nas thams cad la 'byon thub cing | dgung lo gcig lon tsam nas smra shes shing | smra shes tsam nas nga bla ma kun dga' grol mchog yin zhes yang yang gsungs | sku tshe sngon ma'i sbyin bdag grwa rigs lha cha rten gsum | nye gnas dpal 'byor gyis zhabs phyi bgyis pa sogs gsal bar smras pas kun ngo mtsar skyes | kun gyis gsang thabs su bskyed bsrings | nam zhig na zhal ngo 'khor bcas nang du gsol ba mdzad skabs gang byung cha med par rnal 'byor pa sku sha sngo sang nge ba sku la ras dang stag lpags kyi na bza' gsol ba lag na mi thod rlon pa thogs pa ral pa'i thod bcings can zhig byon pas gzhan kun skrag kyang sku skyes gzhon nu dgyes shing de la phyag 'tshal te gsung gleng mang du mdzad | des kyang rnam 'joms kyi khrus dang | lcags phur zhig gnang | phur bu 'di sngon pad 'byung gis mtsho rgyal la gnang | des sna nam bdud 'joms la gnang | des bsam yas su gter du sbabs pa phyis bla ma g.yung ston pas bton pa yin tshul rgyas par gsungs | de nas gsol bzhes mdzad de thegs song | gzhan yang na chung ngu nas dag snang mang po gzigs pa dang | gzhan rgan gzhon bar gsum la rang rang dang 'tsham par chos gsungs shing rten gsum mthong na dad pa dang byams snying rje byang chub kyi