[A:61] la gsangs sngags ri bo bde chen du bshad sgrub spel ma'i ngang la bzhugs | thugs sras kyi bu slob yang blo gros rnam rgyal | amdo kun dga' dpal bzang sogs mang po byung la de las 'ga' re 'og tu yang gsal lo | |
smras pa | chu 'dzin dang bral mtho ris lam bzang du | | snang brgya'i 'khor yug phyogs brgyar bkra ba ltar | | cher snyings mig sman bzhin mdangs gnag ngoms tshe| | nges gsang snang ba'i 'dzum stong bzhad 'di mtshar | | 'jam mgon dgongs bzang kun gsal do ra nas | | legs bshad bcu gnyis bdag po'i gzi 'od kyis | | kun mkhyen dgongs bzhed 'dab stong bkrol mdzad pa | | smra dbang bstan pa'i gsal byed khyod du nges | | theg mchog dgos 'dod kun 'byung yid bzhin dbang | | bshad sgrub rgyal mtshan tog tu legs mchod de | | skal bzang skye dgu'i re skong dbang gi rgyal | | kun dga snying po sras bcas rgyal gyur cig | | ces pa'ang bar skabs kyi tshigs su bcad pa'o | |
gnyis pa | dpal ldan jo nang pa'i bstan pa
mdo khams smad kyi phyogs su ji ltar byung tshul |
gnyis pa mdo khams smad kyi phyogs su rjes nas byung tshul la thog ma ji ltar byung tshul dang | rjes nas bstan pa spel tshul gnyis las |
1. thog ma ji ltar byung tshul |
dang po ni gong du bshad zin ltar chos rje kun mkhyen chen pos | khams yul skyes pa'i lhag bsam las 'phro can | | sngon las sad pa'i byams pa kha che khyod | thos pas dal 'byor yon tan ljon shing rgyas | | da ni mdo khams phyogs su 'gro ba ran | | zhes sogs kyi lung bstan pa ltar byams pa kha bo ches khams rtse mdo'i sa cha rdo rje mched drug gi gnas su 'ob gangs dkar gyi rtsa bar nges don gyi chos gzhi btab nas bshad sgrub kyis bstan pa spel ba yin la |
1. de rjes mi ring ba na kun mkhyen chen pos sngar sku 'da' khar zhal chems kyi tshul du lung bstan gsung pa | chos lugs nyams par byed pa ngan rigs can | | snang zhig bon nag spre'u gzugs zhwa dkar can | | zung cu'i khams su 'bung nas bon rgyud spel | | lta ngan mun pas gur chen bskor ba'i tshe | | mthar mdzad rigs ldan drag po'i sprul pa ste | | chos kyi 'od stong ratna'i mtshan grags