[A:63] dkon mchog rgyal mtshan | tshes bcu ratnakIrti | arge nyi ma 'od zer | chos rje gzhon nu rgyal mtshan | rgyal ba bzang rnams kyis gtsos 'dus sde stong phrag tsam 'tshogs zhes grags skad |
2. de las chos rje rgyal ba bzang po ni | mdo khams smad kyi char gtogs bzhag shod dpal mo 'dzom pa zhes bya ba na 'khrungs shing | chos 'byung nam mkha' rdzong du sgrub pa'i rgyal mtshan btsugs pas grub pa'i go 'phang mthon por gshegs te grub rtags ngo mtshar ba mang du bzhag nas bstan 'gro'i don rgya cher mdzad pa rgyal ba mi phan pa'i sprul par bsngags pa zhig go | | 'di'i sngon gyi skyes rabs dang rjes su sku skyes tshul rags rim la bskal pa dpag med kyi sngon rol sangs rgyas rnam par snang mdzad kyi drung du byang sems dzA ya me dri zhes bya bar gyur te byang chub mchog tu thugs bskyed | sangs rgyas rnam gzigs kyi drung du tshogs gnyis rgya mtsho lta bu bsags pa sogs kyi mthar | de nas nam zhig gi dus dga' ldan du dam pa tog dkar gyis rgyal tshab mi phan pa'i tshul bzung | de nas rgya gar du 'phags pa thogs med du skyes tshul bstan | de nas bod ljongs su skad gnyis smra ba'i khro phu lo tsA ba byams pa dpal | de nas kun mkhyen dol po'i drung du thugs sras sa bzang mati paN chen | de nas mdo smad bzhag shod du chos rje rgyal ba bzang | de nas shambhalar chos rgyal rdo rje snying po'i drung du blon chen kun dga' 'phags | de nas gtsang gi phyogs su lo shes 'gro don mdzad pa'i skye ba bzhes tshul bstan nas bzod khams rdo yul 'dzam thang gi mnga' bdag rgyal ba seng ge zhes bya bar 'khrungs pa ste |
3. de yang slob dpon padma'i bka' lung gsal pos | 'di skad | rgyal rong chu mgo rdo stod zhes bya bar | | 'dzum lung zhes bya lung chung gcig tu na | | 'od zer yab la sgrol ma zhes bya'i yum | | 'brug sbrul lo ba rgyal gyi ming can 'byung | | 'chad rtsom dang shes bya dag la mkhas | | 'gro don bstan pa shar gyi phyogs su dar | | 'khor du dge slong dge 'dun stong gis bskor | | padma nga sprul yin te ngo mi shes | | sku tshe'i tshad ni bdun cu don bzhi ste | | sngags pas tshe sgrub dag la 'bad gyur na | | brgyad cu rtsa bzhi'i bar du 'tsho yang srid | | log byed snyigs ma'i dus kyi mi rnams kun | | tshul bzhin gus pa'i yid kyis gsol ba thob | | de dang 'brel tshad dga' ldan gnas su skye | | zhes pa'i lung bstan pa chos rje rgyal ba seng ge dpal 'byor bzang po rdo rong zhes bya ba 'dzum lung gi char gtogs rdo'i shugs chen du mang bkur lha babs kyi rigs lhu bzhi mgon rgyal nag po'i gdung rigs yab rje dkon mchog skyabs kyi gdung rabs ma chad pa'i yab rje dkon mchog rgyal ba 'od zer dang yum dpal skyid sgrol ma gnyis kyi sras su 'khrungs | dgung lo bcu gsum bzhes nas phyi nang gi chos skor ma lus mkhyen | slob dpon padmas lan gsum bzhir dngos su byon nas byin rlabs dang dbang bskur gnang | mtshan gyi snyan pa yongs su grags pas mdo khams kyi nyi ma gcig pur gyur ste | de yang dgung lo bcu gsum