[A:64] par kun mkhyen dol po'i skye bar grags pa ratnakIrti'i drung du byon nas mjal tshe bla ma spyan ras gzigs su mthong phyag 'bul skabs bla ma yi dam sangs rgyas byang sems rnams bla ma'i sku la thim song ba'i rnam pa gsal bar gzigs shing zab bka' mang po zhus drung dka' bzhi pa'i gdan sa ba chen po mkhan dkon mchog rgyal mtshan gyis gtsos dge 'dun mang po'i dbus su dge tshul gyi sdom pa mnos te mtshan dpal 'byor bzang po zhes gsol | de nas rgyal rong gi bzhag ra lha rtse'i dgon du phebs nas chos 'byung nam mkha' rdzong du zla ba drug tu sku mtshams dam por bzhugs pas gnas lugs don gyi snying po'i rang ngo 'phrod | de nas grub pa'i dbang phyug lcags mdud shes rab rgyal mtshan gyi drung du byon par dgongs tshe dpal ldan lha mo sogs kyi bsu ba dang | mkha' 'gro seng gdong mgon po phyag drug pa sogs lhag pa'i lha mang po'i zhal gzigs der byon lcags mdud drung nas mdo sngags kyi gzhung mang po dang dbang bka' rim gnyis kyi bshad pa mtha' dpyad man ngag dang bcas mtha' dag gsan | slar rtse thog rgyal ba'i gter gnas su byon te bzhugs skabs sangs rgyas byang sems mkha' la sprin 'thib pa bzhin gigs | gser shog rdo rje 'chang rgyal mtshan seng ge'i drung du dbang gdams ngag mang po zhus nas thabs lam bskyed rim nyams bzhes gnang skabs | dpal nag po chen po lcam dral dang dam can mgar nag dang bcas pas mthun rkyen sgrub pa mngon sum byung | de nas slar dpal gyi 'dzam thang du phebs nas dgung lo nyer gsum par ratnakIrti'i drung du rgyud sde rgya mtsho'i dkyil 'khor mang po'i zhal phyes nas dbang bka' yongs rdzogs gsan | der mkhan slob bcu gsum gyi dbus su gsol ka ba yon tan rgya mtsho dang lhan cig bsnyen par rdzogs | de nas rim par gdul bya rnams rjes su bzung ste 'dzam thang dgon 'dir bstan pa'i rgyal mtshan 'dzin pa'i grub rtags mngon gyur thogs med mnga' ba sprul pa'i sku chen po bcu gsum gyis gtsos dge 'dun stong phrag mang po la mdo sngags rgyud sde spyi dang dus kyi 'khor lo'i bshad sgrub 'chad nyan rtsom gsum dbang bka' lung dang bcas zab cing rgya che ba'i chos kyi 'khor lo gdul bya rang rang dang 'tsham par bskor bas smin grol gyi lam bzang po la 'god par mdzad do | | de dag gi snyan pa phyogs su khyab pas sku thogs der | gong ma chen po tA ming rgyal po dang | sog po yongs shu'i bu dang | hor | 'jang | btsan lha rab brtan la sogs pa'i rgyal chen rnams kyis bla dpon du bkur zhing gser yig gser tham dang bcas gnang ngo | |
dpal gyi 'dzam thang dgon 'dir gzims khang pho brang bde chen bkra shis 'khyil bzhengs pa dang | rjes su lo 'ga' zhig nas rgyal ba'i rten khang lhun gyis grub pa khang dmar gtsug lag bzhengs pa'i dus su yul mi kun gyis dga' ston dang bcas bzhengs pa'i cha rkyen ma phul ba gcig kyang med la | so sor rten 'brel brtags pa'i ming yang legs pa bkra shis smon lam dang bcas re re