[A:76] bzhengs nas | gtsang pa ngag dbang 'phrin las kyi yang sprul dbus gtsang du 'khrungs pa 'phrin las rgya mtsho zhes pa 'das nas de'i sprul sku smra khog gser ri'am baswe'i ru zhes par 'khrungs pa sku skyes sbyin pa rgya mtsho zer ba de | dbon lhun grub pas blus te yag mdo'i pho brang der bzhugs su gsol nas lugs zung gis 'gro phan spel bar mdzad | a skyong dpon ngag dang mchod yon du gyur te nyid kyi yang sprul deng sang sku ngag tu grags so | |
36. gtsang pa'i sku phreng gsum pa dkon mchog 'jigs med rnam rgyal | mgo log yo stag tu ngo mtshar ba dang bcas te 'khrungs | gtsang pa'i gdan sar bkod | lha tshe bla ma rgyal mtshan dang | dbon lhun grub rgya mtsho gnyis las dus 'khor chos skor dang | jo nang skyid phug tu sku zhabs spo ra ba'i drung nas naigu'i chos bka' sogs bla ma mang po las dbang lung khrid gsum rgya cher mnos te thos bsam sgom gsum gyis rtogs pa mchog tu rgyas nas bstan 'gro yun ring bskyang tshul yang nyid kyi rnam thar ltar ro | |
37. dkon mchog 'jigs med rnam rgyal de nyid dang nyid kyi thugs sras gtsang pa dge slong ngag dbang chos 'phel nas bzung gtsang pa'i gzims khang gi sgrub brgyud 'dzin pa rim bzhin |
38. (gtsang pa'i gzims khang gi sgrub brgyud 'dzin pa) ngag dbang chos kyi 'phags pa |
39. (gtsang pa'i gzims khang gi sgrub brgyud 'dzin pa) kun dga' ngag dbang dpal ldan |
40. (gtsang pa'i gzims khang gi sgrub brgyud 'dzin pa) ngag dbang chos 'byor rgya mtsho |
41. (gtsang pa'i gzims khang gi sgrub brgyud 'dzin pa) kun dga' mkhas grub dbang phyug |
42. (gtsang pa'i gzims khang gi sgrub brgyud 'dzin pa) ngag dbang bstan pa gsal byed |
43. (de nas gtsang bzhi gzims khang gi sgrub brgyud 'dzin pa) ngag dbang rdo rje bzang po'i bar byon te rdo rje slob dpon gyi tshul gyis bzhugs so | | 'jigs med rnam rgyal gyi yang sprul du byon pa ni gtsang pa sku 'bring ( 'jigs med phyogs las rnam rgyal ) du grags pa'o | | de dag las rnam par thar pa brjod dgos pa mang na'ang yi ge mang bas 'jigs nas re zhig de tsam las ma spros pa lags |
smras pa | mkhyen rab ye shes gzhon nu'i sku 'chang ba | | brtse ba chen po pad dkar 'khri shing can | | mthu stobs gsang ba kun 'dzin 'khor lo'i bdag | | brgyud 'dzin sras bcas bsod nams skal bas grub | | ces pa'ang bar skabs kyi tshigs su bcad pa'o | |
(2) gzhan du spel ba'i tshul|
gnyis pa gzhan du spel ba'i tshul la | skabs don dngos dang | zhar byung phros don gnyis