[A:79] don bde chen gling zhes btags | ma nyes thar mo dgon chu nyin du gsar 'debs byas nas bkra shis phun tshogs gling zhes btags | tshes mda' a dpa' dgon yang gsar du dag ther mdzad | se dgon thub bstan phyogs las rnam rgyal gling gsar 'debs byed pa'i zhal bkod dang sa 'dul sogs mdzad |
9. gang gi thugs sras su gyur pa dpal rig 'dzin rnam snang rdo rjes se dgon gyi mgon khang du rten rdzas dang rtag gtor btsugs te | gtor sgrub dang | gtor chen rgyun gsol rnams bsgrubs nas nus mthu'i rtsal myur ba'i rtags mtshan mngon gyur dang ldan par byas pa sogs khams phyogs su slad nas chos gzhi dang | nges don sgrub brgyud kyi bstan pa ches dar ba las 'dir sa dbon gyi cha tsam smos par zad kyi mtha' dag smra ga la nus te mi nus so | |
(3) zhal byung 'phros don bshad pa |
gsum pa | zhar byung 'phros don jo nang rje btsun gyi chos brgyud 'dzin pa'i bka' drin che ba ni |
1. dbus gtsang gi phyogs su zur gyi gdung brgyud du 'khrungs shing rtag gyi chos grwa ba cha lung ba'i dngos slob grub pa'i dbang phyug kun bzang dbang po dang |
2. de las dbang lung khrid gsum gyi brgyud 'dzin pa mdo khams bos rong dung dkar ri khrod du chos blon mgar gyi gdung rus su 'khrungs pa rig 'dzin tshe dbang nor bu la 'phrin las kyi rgyun skyong ba'i bu slob mang yang |
3. yongs rdzogs bstan pa'i nyin byed 'jam mgon chos kyi 'byung gnas nyid bka' drin lhag par che zhing |
4. gang gi thugs sras rig gnas la bka' babs mang du bzhugs pa'i nang nas sgra rig pa'i bka' babs 'be lo tsA ba zur mang tshe dbang kun khyab ni | rgyal tshab 'dzin pa'i mchog tu gyur te thub bstan chos gling gi 'tshogs khang steng du gser gyi ganyji ra dang | kun mkhyen dharmAkara'i gdung mdun du dus chen la jo lugs dus 'khor sgrub mchod btsugs shing cho ga 'don lta phyag len dang dpal reg pa med pa'i mchod rten gyi cha tshad 'dra len byed par ched gtad du jo nang la lan gnyis phebs nas jo nang rang lugs kyi phyag srol ma nyams par mdzad | rje btsun bka' 'bum 'thor ba'i skor sogs phyag dpe mang du bsgrigs nas bstan pa la bya ba rgya cher byas |
5. de nas de'i brgyud 'dzin dngos slob dbon sprul mang thos karma ratna zhes pa de nyid kyis dbang lung gnang skabs | karma 'od gsal 'gyur med nyid thub bstan chos gling gi rgyug grwa dkyus ma