[A:332]ཀྱིས་མཛད་ཅིང། གཙོ་བོར་ནི་བཞི་ཐོག་དང། ལྷ་ཆེན་དང། ཆུ་མིག་ལ་སོགས་པའི་བླ་བྲང་སོ་སོ་ནས་མཛད་དོ༎
དུས་དེ་ནི་མཁན་ཆེན་རིན་པོ་ཆེ་གཞན་དོན་ལ་གཤེགས་ཟིན་པའི་དུས་ཡིན་ཅིང། རྗེ་ཉིད་ཀྱི་དགུང་ལོ་ལྔ་བཅུ་ཙམ་བཞེས་པའི་དུས་ཡིན་ལ། སྐབས་དེར་གཙང་ཕྱོགས་ལ་ལོ་ལྔ་ཙམ་བཞུགས་ནས་སླར་ཡང་དབུས་ལ་ཕེབས་སོ༎
3rd journey
དེ་ནས་ལན་གསུམ་པ་རྗེ་ཉིད་ཀྱི་དགུངདགོང་ལོ་དྲུག་བཅུ་རེ་གཅིག་བཞེས་པ་ལུག་གི་ལོ་ལ། གཙང་ཕྱོགས་སུ་ཕེབས། ངུར་མིག་ནས་ལ་སྟོད་དིང་རི་གླང་སྐོར་གྱི་བར་གྱི་ཆོས་སྡེ་རྣམས་སུ་རིམས་ཀྱིས་ཕེབས། ཆོས་ཀྱི་འཁོར་ལོ་རྒྱ་ཆེན་པོ་བསྐོར། སྙན་པའི་གྲགས་པས་སའི་སྟེང་མ་ལུས་པར་ཁྱབ། རྙེད་པ་དང་བཀུར་སྟི་བསམ་གྱིས་མི་ཁྱབ་ཅིང་བརྗོད་པས་མི་ལང། རྗེ་བཙུན་དམ་པ་རྒྱ་གར་གྱི་སྤྲུལ་པ་ཡིན་པར་གྲགས། ཆོས་ཀྱི་རྗེ་རོང་སྟོན་ཆེན་པོ་ཞེས་བྱ་བའི་མཚན་གསོལ། དུས་དེར་སི་ཏུ་ལྷ་བཙན་གྱིས་སྦྱིན་པའི་བདག་པོར་ཁས་བླངས་ནས། ལ་སྟོད་དིང་རི་གླང་འཁོར་དུ་གཏན་དུ་བཞུགས་པར་གསོལ་ཀྱང། མ་གནང། ས་སྐྱ་བཀའ་བགྲོས་པ་དང། བདག་ཆེན་དཀོན་མཆོག་ལེགས་པས་གདན་ས་ནས་ངམ་རིངས་ཀྱི་བར་སྟབས་གང་བདེར་གཏན་དུ་བཞུགས་པའི་གསོལ་བ་བཏབ་ཀྱང་མ་གནང། ཆོས་རྒྱལ་རབ་བརྟན་འཕགས་ཀྱིས་ཉང་སྟོད་ཀྱི་ཆོས་སྡེ་གསར་པར་སྐུ་ཚེ་དྲིལ་ནས་བཞུགས་པའི་གསོལ་བ་བཏབ་ཀྱང་མ་གནང། རིན་སྤུངས་པ་དྲུང་ནམ་མཁའ་རྒྱལ་པོ་ཡབ་སྲས་ཀྱི་བྱམས་ཆེན་གྱི་ཆོས་སྡེ་ཆེན་པོ་འདེབས་པའི་ཆོས་དཔོན་ལ་སྤྱན་དྲངས། ཞབས་བརྟན་པར་བཞུགས་པའི་གསོལ་བ་བཏབ་པས། རེ་ཤིག་བཞུགས། དགོན་པ་འདེབས་པའི་སྒྲིགས་ཙམ་མཛད། ས་བྱིན་གྱིས་བརླབས། སེམས་དཔའ་ཆེན་པོ་གཞོན་ནུ་རྒྱལ་མཆོག་པ་ཆོས་དཔོན་དུ་ལུང་བསྟན་ནས་དབུས་ཕྱོགས་ལ་ཐེགས་སོ༎