[A:331]དེ་ནས་དཔོན་སློབ་གཉིས་ཀ་དབུས་ཕྱོགས་སུ་ཕེབས་ཤིང། མཁན་ཆེན་པས་སྐྱོར་མོ་ལུང་གི་མཁན་པོ་བློ་གསལ་གྱི་དྲུང་དུ། འདུལ་མཛོད་གསན་པ་ལ་ཕེབས། དུས་དེར་དཀའ་བཅུ་པ་དར་མ་དང་རྩོད་པ་མཛད་པས་མཁན་ཆེན་པས་དཀར་ཡོལ་ཙམ་པོ་རྟག་པར་ཞལ་གྱིས་བཞེས། དར་མས་ཕྱམ་རྩེའི་སྤུ་ཉག་རེ་རེ་ནས་ཕྱམ་རྩེར་ཁས་ལེན་དགོས་པར་བྱུང་བ་དེ། ཁོང་པ་གཉིས་སོ་སོར་ཁས་ལེན་ཕམ་པའི་ཚད་ཡིན་པར་གྲགས་ཀྱང། མཁན་ཆེན་རིན་པོ་ཆེས་དེ་ལྟར་ཞལ་གྱིས་བཞེས་པ་དེ་རྩ་བའི་གྲུབ་མཐའ་ཡིན་པས་ཕམ་པ་མེད་དོ༎
Establishment of a scriptural seminary in Gong dkar
དུས་དེར་སྐབས་ནས་དཔོན་སློབ་གཉིས་ཀས་དབུས་ཕྱོགས་སུ་འཆད་ཉན་ཡུན་རིང་དུ་མཛད་ཅིང། རིག་ལྔ་ལྷ་ཁང་དུ་བཤད་གྲྭ་འཇུག་པ་ལ་སོགས་པའི་བསྟན་པའི་རྣམ་གཞག་རྒྱ་ཆེན་པོ་མཛད་དོ༎
དེ་ནས་རྗེ་ཉིད་ཀྱིས་དབུས་ཕྱོགས་སུ་འཆད་ཉན་རྒྱུན་སྲིང་ཞིང། མཁན་ཆེན་རིན་པོ་ཆེས་ས་སྐྱ་དང་གསང་ཕུ། ཡ་འབྲོག་མངོན་དགའ་རྣམས་སུ་ཆོས་ཀྱི་འཁོར་ལོ་རེ་མོས་ཀྱིས་བསྐོར་བར་མཛད་དོ༎
2nd journey
ཡང་རྗེ་བཙུན་འདི་ཉིད་ཀྱིས་གཙང་ཕྱོགས་སུ་ལན་བར་པ་ཕེབས་པའི་ཚེ་ནི། གདན་ས་ཆེན་པོས་ཐོག་དྲངས་པའི་གཙང་སྟོད་ཀྱི་ཕྱོགས་སུ་གཙོ་བོར་བཞུགས། བླ་མ་སོ་སོ་ལ་ཆོས་ཞི་བྱེད་དང། གཅོད་དང། ནི་གུ་དང། ལམ་འབྲས་ལ་སོགས་པའི་ཆོས་གསན་པ་རྒྱ་ཆེ་ཞིང། སློབ་མའི་ཚོགས་ཤིན་ཏུ་མང་པོ་ལ་ཆོས་ཀྱི་འཁོར་ལོ་རྒྱ་ཆེན་པོ་བསྐོར་རོ༎
དུས་དེར་མཁས་པའི་གྲངས་པ་ཆེན་པོ་ཐོབ་ཅིང། སློབ་དཔོན་མཁས་པའི་དབང་པོའི་རོང་སྟོན་ཞེས་བྱ་བའི་མཚན་གསོལ་ལོ༎
དེའི་དུས་ཀྱི་སྦྱིན་པའི་བདག་པོ་ནི། སི་ཏུ་ལྷ་བཙན་དང། བདག་པོ་དཀོན་མཆོག་ལེགས་པ་དང། ཤར་ཁ་བ་བསོད་ནམས་དཔལ་དང། ཆོས་རྒྱལ་རབ་བརྟན་འཕགས་རྣམས་