[A:106]ཞག་འགའ་བསྡད་ནས། མཚན་བརྗོད་ཊཱི་ཀ་དང། འཇམ་དབྱངས་རིགས་དྲུག་གི་བསྟོད་པ་དེ་ཡང་བརྩམས། དེ་དུས་དགེ་རྒན་བསོད་རྒྱལ་བ་ཡོངས་ནས་ངེད་ལ་ཚོགས་སུ་འདོན་རྒྱུའི་རྗེའི་སྐུ་བསྟོད་ཅིག་དགོས་ཟེར་བས་རྒྱལ་བའི་གསུང་རབ་མ་འདི་བརྩམས་པ་ཡིན་ཡང་གསུང་ངོ༎
དེའི་སྟོན་ཀ་དབུས་ལ་ཕེབས་ནས་ལམ་མི་འཆག་ལ་སྤྱང་ལུང་རིན་པོ་ཆེའི་དྲུང་དུ་ཕྱག་འབུལ་ལ་ཕེབས་པས། དེར་སྤྱང་ལུང་རིན་པོ་ཆེ་པའི་ཞལ་ནས། ཁྱེད་ཀྱི་གྲགས་པས་ནི་སྔར་རྣ་བ་འོ་ནvc: or: 'on?འགྲོ་བ་ཙམ་བྱུང། ད་ནི་མངོན་པར་རྟོགས་པའི་ཡོན་ཏན་ཆེན་པོ་ཞིག་ཀྱང་ཐུགས་ལ་འཁྲུངས་སྣང་ངོ༎ ཁྱེད་ཀྱིས་ཕྱག་བྱས་དུས་ཀྱང་ངེད་ལ་ཟིལ་ཆེན་པོ་ཞིག་ཡོད་སྣང་གསུང་བ་ཡོངས་ཁྱབ་ཏུ་གྲགས་སོ༎
དེའི་དཔྱིད་ཆོས་འཁོར་རྩེར་བཞུགས་ནས་དབུ་མ་རྩ་བ་ཤེས་རབ་ཀྱི་ཊཱི་ཀ་སྐལ་བཟང་འཇུག་ངོགས་ཀྱི་ཐུགས་རྩོམ་གནང་བའི་དབུ་བཙུགས་ཙམ་ལ་མངའ་རིས་གློ་བོ་ནས་ཆོས་རྒྱལ་བཀྲ་ཤིས་མགོན་པས་སྤྱན་འདྲེན་གྱི་སྙན་གསན་འདེབས་བྱེད་རིན་པོ་ཆེའི་རྟེན་དང་བཅས་པའི་ཞུ་ཡིག་ཞིབ་རྒྱས་ཕུལ་བས། ད་ཁྱེད་རྣམས་ས་ཐག་རིངས་ནས་འོངས་པ་ལ། ཇོ་བོ་ཤཱཀྱ་མུ་ནེ་གསུང་བྱོན་ཅིག་ཡོད་པ་ལ་མཇལ་ཀ་ཞུ་ཞིང་ངེད་ཀྱང་འགྲོ་སྡོད་ཀྱི་ལུང་བསྟན་ཞུ་ཕྱིར་ཆོས་སྡིངས་སུ་འགྲོ་གསུང་ཕེབས། དེར་རིན་པོ་ཆེ་དེ་རྣམས་མཎྜལ་དུ་མཛད་ནས་སྤྱང་ལུང་རིན་པོ་ཆེའི་དྲུང་དུ་ཕུལ། རྒྱུ་མཚན་ལུང་བསྟན་ཞུས་པས། རེ་ཞིག་ཐུགས་མཉམ་པར་བཞག་ནས། དེར་སྐུ་སྟོད་སེང་མཛད་ནས། དྲུང་ཆེན་པོ་བ་སེམས་ཅན་གྱི་འགྲོ་དོན་ཆེར་ཡོད་སྣང་བས། འབྲུག་ལོ་vc: 1472ལ་བྱོན་པ་ལེགས་གསུང་བ་ཇི་ལྟ་བའི་ཞུ་ཡིག་ལན་ཡང་མངའ་རིས་ལ་གནང་སྐད་དོ༎
བློ་གསལ་བྱེ་བ་སྟོང་གི་དབང་གྱུར་ཏེ༎
སྒྲུབ་དང་སུན་འབྱིན་གནས་ཀྱི་ཚད་མའི་ཡུལ༎
ལེགས་སྦྱངས་མཁས་པས་སོར་བཅུས་བཀུར་བའི་