[A:107]གནས༎
ཆེན་པོའི་གོ་འཕང་དེ་ཡང་ཁྱེད་ཀྱིས་སྤངས༎
ཆོས་བརྒྱད་མཛེས་སྣང་རི་དགས་སྨིག་རྒྱུའི་དཔེ༎
མཁས་རློམ་ཕལ་གྱི་སྙིང་གིས་མི་འཕོང་ཀྱང༎
སྣང་སྲིད་སྒྱུ་མ་རྨི་ལམ་ཡུལ་སྣང་བཞིན༎
ལེགས་དགོངས་ཁྱེད་ཀྱིས་སྲང་མདོའི་རྩྭ་ལྟར་དོར༎
ཡེ་ཤེས་མཁའ་འགྲོའི་ཞལ་ལུང་གསང་བའི་ཆོས༎
ཡང་དང་ཡང་དུ་སྙན་ནས་ཐུགས་སུ་སིམ༎
འོད་གསལ་དངས་ཤེལ་གསལ་བའི་མེ་ལོང་དེར༎
མཐའ་ཡས་ཤེས་བྱའི་ཡུལ་ཀུན་རྗེན་པར་ཤར༎
ཕྱོགས་བཅུའི་སངས་རྒྱས་མ་ལུས་ཐམས་ཅད་ཀྱིས༎
ཞིང་རྡུལ་ཇི་སྙེད་མ་འདྲེས་གཟིགས་མོའི་ཆ༎
ཡེ་ཤེས་མིག་གཅིག་དྲི་མེད་མངའ་བ་ཅན༎
ཁྱེད་ཀྱི་རྣམ་ཐར་གསང་བ་བརྗོད་ལས་འདས༎
དགེས་མཛད་ཏི་འཛིན་གསལ་བའི་དཀྱིལ་འཁོར་དུ༎
མཚན་སྐྱོབ་སྔགས་ཀྱི་ནཱ་ད་གླུར་ལེན་ཞིང༎
ལྷ་དང་ཡེ་ཤེས་སྣང་བའི་རོལ་མོ་པ༎
གསང་སྔགས་འཛིན་པ་ཡོངས་ལའང་འདི་མ་གྲགས༎
རྣམ་རྟོག་བཟླས་བརྗོད་གྲངས་ཀྱིས་ཆོག་ཆོད་མཁན༎
ཀུན་བརྟགས་འཁྲུལ་པའི་རྨི་ལམ་རོ་མྱང་བའི༎
བྱིས་པའི་རྡོ་རྗེ་འཛིན་པ་ལས་འདས་ཁྱོད༎
ས་ལ་རྡོ་རྗེ་སེམས་དཔར་རབ་གྲགས་ལགས༎
ཞེས་པཎྜི་ཏ་ཆེན་པོ་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཀྱི་རྣམ་པར་ཐར་པ་ཞིབ་[-] ཞིབ་མོ་རྣམ་པར་འབྱེད་པ་ལས། རྟོགས་པའི་རང་བབས་མངོན་སུམ་དུ་གྱུར་པའི་སྐབས་ལས། བསྒྲགས་པའི་རབ་ཏུ་བྱེད་པ་བཅུ་བཞི་པའོ༎
Chapter 15: mnga' ris kyi yul 'khor du chos sgra bsgrags pa'i skabs
རྣམ་ཐར་རྡོར་རྒྱལ་མར་ས་གླང་vc: 1469ལ་གསེར་མདོག་ཅན་བཏབ་ཅེས་འབྱུང་ཡང། རྣམ་ཐར་གཞན་གཉིས་སུ་མི་སྣང་ཞིང། ངོ་བོ་སྔར་བརྗོད་པ་ལྟར་བྱི་ལོའི་སྟོན་vc: 1468དགོན་པ་ཤར་དུ་བཞུགས་ས་ཙམ་མཛད། དེར་རྒྱ་རྒན་ནང་པས་གདན་འདྲེན་ཞུས། དེ་དུས་རྒྱ་རྒན་དཔོན་བགྲེས་པ་རང་རས་འབོལ་རིང་བ་ཅིག་གི་སྣ་ལ་བསྡད་འདུག་པས་