[A:112]ཅིག་གནང་དགོས་ཞུས་པས། ད་དེ་རང་བྱེད་པའི་དུས་ལ་བབ་འདུག་པས་དེ་ལྟར་བགྱིའོ་གསུང། དེར་སྡེ་པ་དཔོན་སློབ་རྣམས་ཀྱི་དགོངས་པ་ལ་དྲག་གཏོར་ལྟ་བུའི་འཇིགས་འཇིགས་ཤིག་ཡོངས་དགོངས་པའི་ངང་ནས་རྒྱུན་གྱི་ཐུགས་དམ་གཏོར་ཆུང་དེ་རང་གཟིམས་ཁང་གི་སྟེང་གི་དམག་དཔུང་ཡོང་ལམ་ཕྱོགས་སུ་བཞག་པའི་སྐད་ཅིག་དེ་ལ། དེར་འཚོགས་ཡོངས་ལ་གསལ་བའི་བྱ་རོག་ཆེར་ཁྲོས་པ་ཞིག་གིས་སྐད་ཀྱི་ང་རོ་དྲག་པོ་དང་བཅས་གཏོར་མ་མཆུས་ཁྱེར་ནས་དམག་ཕྱོགས་ལ་མདའ་ལྟར་སོང་བས་ཀུན་འཇིགས་ཤིང་ཡ་ང་བའི་ངང་ནས། ད་ནི་བཀའ་སྲུང་རང་གིས་ཕྲིན་ལས་བསྒྲུབ་ཅེས་ཡིད་རྣལ་དུ་འཁོད་པར་གྱུར་ཅིང། དེ་ནུབ་མཚོ་རྡུབས་ཟེར་བའི་གློ་བོའི་ལུང་སྲུབས་ཅིག་ན་བྱང་སེམས་དཀོན་རྒྱལ་བར་གྲགས་པའི་ནཻ་གུའི་གྲུབ་ཐོབ་ཆེན་པོ་ཞིག་བཞུགས་པའི་མནལ་ལམ་དུ། རྣམ་རྒྱལ་ནས་དཔལ་མགོན་ཞལ་བཞི་པའི་དམག་དཔུང་བློས་མི་འཁྱུད་པའི་གོ་གོ་མཚོན་ཅན་ས་ཡ་ཁྲག་ཁྲི་གང་ཐོན་ནས་དགྲ་ཕྱོགས་སུ་སོང་བའི་མཚན་མ་འོད་གསལ་ལ་དགོངས་ནས་སྔ་བར་ཀུན་ལ་བཀའ་གནང་ཞིང། ལྷོ་བྱང་གི་དམག་མི་ཀུན་ཀྱང་དེ་ནུབ་རང་ལ། རང་འུར་ལ་གར་སོང་ཆ་མེད་དུ་ལངས་ནས། ཤུལ་ན་དངོས་སྤྱད་ཇི་སྙེད་ལུས་པ་དག་ལ་ལམ་འགྲོན་པ་དག་གིས་ལྷབ་ཐོབ་ཏུ་བྱས་སོ༎
དཔལ་མགོན་ཞལ་བཞི་པའི་བདག་པོར་གྲགས་ནས། གློ་བོ་ནང་གི་དགོན་ཆེ་ཆུང་གི་བླ་མ་སློབ་དཔོན་མང་པོས་རྗེས་གནང་རྩེ་གཅིག་ཏུ་གསོལ་བ་བཏབ་པས། གཞན་ལ་ཐུགས་དམ་བརྟག་པ་མ་ཆུང་པར། བསམ་རྩེ་ཀུན་སྤངས་པར་གྲགས་པའི་ཆོས་སྐྱོང་གི་གྲུབ་ཐོབ་ཏུ་བྱེད་པ་ཅིག་ལ་གནང་བས། དེར་གློ་བོའི་ས་ཕྱོགས་མ་ལུས་པ་ཤ་ཆེན་བསྲེགས་པའི་དུད་པས་གང་བའི་ཆོ་འཕྲུལ་དངོས་སུ་བསྐུལ་ལོ༎
འདིའི་ལོ་རྒྱུས་དག་རྣམ་ཐར་གཉིས་སུ་མ་ཆུད་ཀྱང། རྣམ་ཐར་རྗེ་དབོན་མར་ཟུར་ཙམ་འབྱུང་ངོ༎
དེར་