[A:115]པའི་མཁན་ཁང་དེ་ཉིད་ན། ཀུན་མཁྱེན་རོང་པོའི་བསྟོད་ཚིག་འཁོར་ལོའི་རེ་མིག་མའི། ཁྱོད་ཀྱིས་རབ་འབྱམས་མདོ་ལུང་ལེགས་སྦྱངས་གནང་བཀག་ཇི་བཞིན་མཁྱེན་སོགས་བྲིས་པ་དང། ཆོས་ཀྱི་ཁྲི་ཡང་མ་ཉམས་པར་བཞུགས། དེར་འགྲོ་བ་མི་སྨོས་ཅི། མི་མ་ཡིན་པའི་འགྲོ་བའི་ཚོགས་དུ་མ་དག་ཀྱང་ཡོངས་སུ་སྨིན་ཞིང་སེམས་རྣམ་པར་གྲོལ་བའི་ལམ་ལ་བཀོད་དོ༎
རྣམ་རྒྱལ་རང་གི་རྫོང་བཙན་དུ་གྲགས་པའི་མི་སྲུན་པ་རང་ཞིག་ཀྱང་དེ་ཕྱིན་རབ་ཏུ་ཞི་བའི་དཔལ་འཛིན་པ་དང། གློ་བོའི་ལུང་ལག་བསམ་རྫོང་བྱ་བ་ན། ཕ་ཇོ་བོར་གྲགས་པའི་ཡུལ་འདྲེ་མི་དངོས་སུ་ཁྱེར་ནས་ཟ་བ་ཞིག་ཡོད་པ་ཡང་དེའི་དུས་མན་སེམས་ཅན་ལ་གནོད་འཚེ་གཏན་ནས་མི་བྱེད་པ་དང། གཞན་ཆེ་བཙན་དུ་གྲགས་པའི་གླིང་བཞི་ཀུན་ཁྱབ་དེ་ཉིད་ཇོ་བོ་ཞལ་ཁྲོད་བྱ་བ་ན། མུས་ཆེན་དཀོན་མཆོག་རྒྱལ་མཚན་པའི་དངོས་སློབ་ལམ་འབྲས་པའི་གྲུབ་ཆེན་ནམ་བཟའ་བྱ་བ་ཞིག་བཞུགས་པའི་དྲུང་དུ་ནུབ་རེ་བཞིན་གཏོར་མ་ལེན་དུ་དངོས་སུ་ཡོད་པ་ལ། དེ་སྐབས་དུས་བཟང་ཀུན་ལ་མ་བྱུང་བས། ཁོང་གིས་ཁྱེད་དུས་བཟང་ལ་གར་འགྲོ་ཡིན་ཡོད་སྨྲས་པས། དིང་སང་རྣམ་རྒྱལ་ཆོས་སྡེ་ན་སྟོན་པ་བཅོམ་ལྡན་འདས་འཁོར་འཕགས་པའི་གནས་བརྟན་བཅུ་དྲུག་དང་བཅས་པ་བཞུགས་པ་ལ་ཕྱག་དང་མཆོད་པ་འབུལ་དུ་ཕྱིན་ཟེར་བས་མཚོན་པའོ༎
དེའི་ཕྱི་ལོ་ཤིང་མོ་ལུག་ལོ་vc: 1475ཤར་འཕྲལ་དགུང་ལོ་ཞི་བརྒྱད་པ་ལ་ཚད་མའི་མཐའ་གཅོད་ཆུང་བའི་ཐུགས་རྩོམ་གནང་ཞིང། དེ་མཐར་ཕྱིན་མཚམས་ཙམ་དབུས་ནས་རྒྱ་མ་མཁར་རྩེ་བའི་སྐུ་ངོ་སྤྱི་དང། ལྷག་པར་སྤྱན་སྔ་བློ་གྲོས་པ་མཆེད་ཀྱིས་དོ་དམ་ཡང་དག་གནང་ནས་ཤར་ཕྱོགས་སུ་སྤྱན་འདྲེན་ནན་བསྐྱེད་དང། ཆོས་འཁོར་རྩེའི་ཐུས་བཙུན་སོགས་བསྟན་པའི་རྒྱུན་གྱི་བཀའ་སྒྲོས་ལྡེབས་ཆེ་བའི་སྙན་སྦྲོན། གོས་མཚལ་ཁ་གསེར་མའི་སྣམ་སྦྱར་ཡ་མཚན་རྨད་བྱུང་སོགས་ན་བཟའ་རྣམ་གྲངས་