[A:117]བལྟ་ཕྱིར་འོངས་པ་སྙམ༎
འཇིག་རྟེན་མེས་པོས་མ་བྱས་སྲིད་འདི་ན༎
གང་ཡང་མི་མངོན་སྒྲོག་ཚེ་འདི་ལྟའི་ཚུལ༎
རྒྱལ་བ་མཆོག་གི་མཛད་པ་སྒྱུ་མའི་འཕྲུལ༎
ངོ་མཚར་འདི་འདྲ་ཚངས་པའི་ཡུལ་ལས་འདས༎
ཚོགས་གཉིས་ཤིང་རྟའི་འཁོར་ལོས་ཉེར་དྲངས་པས༎
ཡོངས་རྫོགས་བསྟན་པའི་བདག་པོ་སློབ་མའི་ཚོགས༎
སངས་རྒྱས་སྲས་བཅས་རྒྱལ་པོའི་ཁབ་ཏུ་བཞིན༎
ཡ་མཚན་འདི་ནི་སྙིགས་མའི་དུས་ལས་བརྒལ༎
ལྷར་བཅས་འགྲོ་བའི་བསོད་ནམས་ཞིང་གྱུར་པ༎
འདུལ་བ་མདོ་སྡེ་མངོན་པ་འཛིན་པའི་རྗེ༎
ཆོས་སྨྲའི་སྐྱེ་བོ་མཆོག་ཁྱེད་རྙེད་བཀུར་གྱིས༎
རབ་བསྔགས་ཁྲི་ལ་ཁེངས་པ་མེད་པར་བཞུགས༎
གང་གི་རྗེས་སློབ་དགྲ་བཅོམ་འཕགས་པའི་འཁོར༎
ཞི་ཞིང་རབ་ཞི་ངུར་སྨྲིག་གོས་ཅན་གྱི༎
ཚུལ་གནས་མང་ཐོས་མཐར་སོན་སྤོང་བ་པས༎
མངའ་རིས་ཡུལ་ལྗོངས་དགེ་བའི་ཕན་བདེ་སྩལ༎
ཅེས་པཎྜི་ཏ་ཆེན་པོ་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཀྱི་རྣམ་པར་ཐར་པ་ཞིབ་མོ་རྣམ་པར་འབྱེད་པ་ལས་མངའ་རིས་ཀྱི་ཡུལ་འཁོར་དུ་ཆོས་སྒྲ་སྒྲགས་པའི་སྐབས་ལས་རྗེས་སུ་བསྒྲགས་པའི་རབ་ཏུ་བྱེད་པ་བཅོ་ལྔ་པའོ༎ ་༎
Chapter 16: yid dam gyis rjes su gzung ba dang mngon par mkhyen pa'i gnas
དེར་སྡོམ་གསུམ་གྱི་དྲི་བ་ཐོག་མ་རང་དེ། གློ་བོའི་ལུང་ལག་ཉི་ཕུག་དགོན་པ་ན་མཁན་པོ་སེང་གེ་བཟང་པོར་གྲགས་པ་བཟོད་པ་སྐྱ་གཤོག་པའི་དངོས་སློབ་ཅིག་བཞུགས་པ་དེ་ལ་ཕུལ་བས། ཚིག་སྦྱོར་སོགས་པོ་ཏོལ་ཆེ་བའི་ཕལ་ཉམས་ཅན་ཞིག་བྱུང་བས་ཅུང་ཞིག་ཐུགས་མཛངས་ཤིང། རང་རེས་བསྟན་པའི་བྱི་དོར་ལ་བསམས། ལྷག་བསམ་རྣམ་དག་གིས་ཡིན་ཀྱང། དེར་མི་མཚོན་པའི་བརྗོད་གླེང་ཅན་གྱི་ཀུ་ཅོའི་རྒྱུར་འགྲོ་བ་ཞིག་ཡོང་བ་འདྲ་གསུང། ཐུགས་དབེན་མཛད་པའི་ཚུལ་ཡང་བསྟན་ཞིང། དེ་མཚམས་རྭ་སྟོན་ཡོན་ཏན་དཔལ་བཟང་པོས།
ས་པཎ་གསུང་གི་ཉི་མའི་འོད༎
མི་ཤེས་སྤྲིནསྤྲིན་སྤྲིན་