[A:117]blta phyir 'ongs pa snyam//
'jig rten mes pos ma byas srid 'di na//
gang yang mi mngon sgrog tshe 'di lta'i tshul//
rgyal ba mchog gi mdzad pa sgyu ma'i 'phrul//
ngo mtshar 'di 'dra tshangs pa'i yul las 'das//
tshogs gnyis shing rta'i 'khor los nyer drangs pas//
yongs rdzogs bstan pa'i bdag po slob ma'i tshogs//
sangs rgyas sras bcas rgyal po'i khab tu bzhin//
ya mtshan 'di ni snyigs ma'i dus las brgal//
lhar bcas 'gro ba'i bsod nams zhing gyur pa//
'dul ba mdo sde mngon pa 'dzin pa'i rje//
chos smra'i skye bo mchog khyed rnyed bkur gyis//
rab bsngags khri la khengs pa med par bzhugs//
gang gi rjes slob dgra bcom 'phags pa'i 'khor//
zhi zhing rab zhi ngur smrig gos can gyi//
tshul gnas mang thos mthar son spong ba pas//
mnga' ris yul ljongs dge ba'i phan bde stsal//
ces paNDi ta chen po shAkya mchog ldan dri med legs pa'i blo gros kyi rnam par thar pa zhib mo rnam par 'byed pa las mnga' ris kyi yul 'khor du chos sgra sgrags pa'i skabs las rjes su bsgrags pa'i rab tu byed pa bco lnga pa'o// //
Chapter 16: yid dam gyis rjes su gzung ba dang mngon par mkhyen pa'i gnas
der sdom gsum gyi dri ba thog ma rang de/ glo bo'i lung lag nyi phug dgon pa na mkhan po seng ge bzang por grags pa bzod pa skya gshog pa'i dngos slob cig bzhugs pa de la phul bas/ tshig sbyor sogs po tol che ba'i phal nyams can zhig byung bas cung zhig thugs mdzangs shing/ rang res bstan pa'i byi dor la bsams/ lhag bsam rnam dag gis yin kyang/ der mi mtshon pa'i brjod gleng can gyi ku co'i rgyur 'gro ba zhig yong ba 'dra gsung/ thugs dben mdzad pa'i tshul yang bstan zhing/ de mtshams rwa ston yon tan dpal bzang pos/
sa paN gsung gi nyi ma'i 'od//
mi shes sprinsprin sprin