[A:123]དུ་བཞུགས་ལ་ས་སྐྱ་པའི་བསྟན་པའི་རྒྱུན་ལ་ཕན་པའི་འཆད་ཉན་རང་གནང་དགོས། ད་ལོ་ཐོག་མར་ཆོས་གཞིས་འདི་དག་བསྐུལ་ཞིང། ངེད་ཤི་མཚམས་ཤི་རྗེས་གང་ཡོད་མཛོད་ལ། ཆུ་མིག་སྟོང་སྐོར་འདི་རྣམས་ཁྱེད་ཀྱིས་འཆད་ཉན་དང། གསེར་མདོག་ཅན་གྱི་ཐེས་མཛོད༎ ཁྱེད་ཐུགས་མི་དོག་པར་ངེད་རང་མ་ཤི་གོང་ནས་ཡི་གེ་ཐེལ་འབྱར་བྱེད་གསུང་བའི་བཀའ་ལུང་ནན་ཆེན་གནང་ཞིང། དེའི་ལོ་རྗེ་མུས་ཆེན་དང། ཆོས་རྗེ་འཇམ་དབྱངས་ཤེར་རྒྱམ་བའི་སྐུ་བསྟོད་ཐུབ་བསྟན་གསེར་ཁང་མ་དང། མཐའ་ཡས་མ་གཉིས་བརྩམས་འཕྲལ་རེ་འདུག་པའི་ལུང་ཡང་སྩལ་ནས། སླར་ཡང་གསེར་མདོག་ཅན་དུ་འོངས། དེ་ནས་དབུས་ཕྱོགས་སུ། རྒྱ་མ་མཁར་རྩེ་བས་གློ་བོ་རང་དུ་འབོད་མི་བྱུང་བ་དང། ཁྱད་པར་དུ་སྤྱང་ལུང་རིན་པོ་ཆེ་དགུང་ལོ་བརྒྱད་དང་ལྔ་བཞེས་པ་དེའི་ཞལ་ཞིག་མཐོང་འདོད་རང་གིས་ཅིས་ཀྱང་དབུས་ཕྱོགས་ལ་འགྲོ་རྩིས་རང་གིས་ཞེད་ཆེ་བ་བྱས་ཀྱང། གཞིས་ཀ་ནས་དང། དཔོན་དྲུང་གཡུང་བ་སོགས་ཀྱིས་ཀྱང་ང་དགོན་པ་གསར་པའི་འགྲམ་བཏིང་ཙམ་ལ་མ་བཞུགས་ན་རྗེས་དོད་པའི་ཚད་གཏན་ནས་མི་སྲིད་པས་ཟེར། ནན་བསྐྱེད་བྱུང། དེར་ན་ནིང་ཡང་དབྱར་མེད་དུ་སོང་བས་ཡིད་སྐྲག། ད་ལོ་དབྱར་ཁས་ལེན་བྱས་ནས། དགག་དབྱེ་གྲོལ་དང་བསྟུན་འགྲོ་རྩིས་རང་ལ་ཆོས་སྡིངས་ནས་རིན་པོ་ཆེ་པའི་དྲུང་ཟླ་བ་བདུན་པའི་ཚེས་བཅོ་ལྔ་ལ་ཞིང་བརྗེས་པའི་ཚུལ་འབུལ་མི་བྱུང་བས། ཐུགས་ཁྲལ་མཐའ་མེད་གནང་ཞིང། གདུང་རྟེན་གྱི་རྒྱུར་ཟངས་སེར་མང་དུ་སྩལ། ད་སྟེ་གཉིས་མེད་སེང་གེ་ལ་རྒྱུ་མཚན་མེད་པས་གྲྭ་ཚང་གི་མིངས་བཞག་འདིའི་སོ་ཆིས་ལ་བསྡད་པ་དྲག་སྣང་གསུང་ནས། ལོ་བཞིའི་བར་གཙང་ཕྱོགས་རང་དུ་ཞབས་བརྟན་པར་བཞུགས་ཤིང། དགུང་ལོ་ཞེ་དགུ་པའི་སྟེང་དེ་ཉིད་དུ། རྒྱ་རྒན་ནང་པས་དོ་དམ་མཛད། སྤན་མི་དམངས་ཀྱིས་ཀ་བ་