[A:124]སུམ་ཅུ་སོ་དྲུག་གི་སའི་ཀུན་ར་རྙིང་པ་འདི་བསྒྲུབས་ཤིང། འདི་ཉིད་ཀྱི་གཙང་ཁང་ན་བཞུགས་པའི་བྱམས་མགོན་དོན་ཡོད་དཔལ་བའི་སྐུ་འདྲ་སྐུ་ཚད་མ་འདི་རྟེན་བཞེངས་ཀྱི་ཐོག་མར་མཛད་ཅིང། འདི་ཉིད་སྐུ་དངོས་ཇི་ལྟ་པའི་འདྲ་ལེན་གྱིས། དབུའི་གཙུག་ཏོར་གསལ་པོར་འཕགས་པ་ཡང་བཅོས་ཡོད་པས། རབ་གནས་ལ་རྗེ་དོན་ཡོད་དཔལ་བ་རང་གདན་འདྲེན་ཞུས་པས། གཟིགས་མོ་ཡང་ཡང་མཛད་ནས་བཞེད་ཅིང། དེར་དབུ་ཞྭ་ཞྭ་སེར་ཅིག་ཞུས་ཡོད་པ་བསལ་བས། དབུའི་གཙུག་ཏོར་གཟིགས་པས། ཕྱག་གིས་ནེམ་མནན་ནས་འན་བུ་ལ་འདི་འདྲ་མི་བདོག་གསུངས་པས་རྗེས་མེད་དུ་གྱུར་ཅེས་དེ་དུས་དངོས་སུ་གཟིགས་པའི་མངའ་རིས་པ་རྣམས་ཀྱིས་གསུངས་པས་མངའ་རིས་ན་གྲགས་ཚོད་ཤིན་ཏུ་ཆེ་ཞིང། བཀའ་ལས་ཀྱང་འདི་ལ་རབ་གནས་ཞལ་དྲོ་རང་ཞིག་བྱུང་བས། ཕྱིས་ཀྱི་རྟེན་ཐམས་ཅད་ལ་བར་ཆད་མེད་པའི་རྟེན་འབྲེལ་རབvc: or: rang?འགྲིག་ལ་སོང་ཞེས་གསུང། ཞེས་ཐོས་ཤིང། ད་ལྟ་ཡང་དགེ་བའི་ལྟས་ལ་དབུ་ཞྭ་རྒྱབ། མི་དགེ་བ་ལ་མདུན་ངོས་བསྐྱུར་ཡོང་ཞིང། རྟོག་པ་བཅུག་ན་ཞལ་གྱི་གཟི་མདངས་དང། ཞལ་ངོ་ནག་མི་ནག་རང་གིས་ལེགས་ཉེས་འབྱེད་པར་སྣང་ངོ༎
དེར་མེ་མོ་བྱའི་ལོ་vc: 1477དགུང་ལོ་ལྔ་བཅུའི་སྟེང་དུ་དཔྱིད་ཆོས་ལ་གཞིས་ཀ་ནས་སྦྱིན་བདག་གནང། འབྲོང་སྒང་ནས་ཞབས་ཏོག་བསྒྲུབས་ཏེ་སྲེག་ཤིང་དུ་མཛད་པས། སྔར་བཞིན་ས་སྐྱ་པཎ་ཆེན་གྱི་ཆོས་ཁྲི་ཉིད་ཀྱི་སྟེང་ནས་དཔྱིད་ཆོས་མཛད། དེར་རྗེས་དབྱར་ཞལ་བཞེས་འདུ་ཁང་རྙིང་པ་ཉིད་དུ་གནང་ཞིང། དུས་ཚིགས་ཀྱི་མདོ་འདོན་པ་སོགས་ལ་ཐུགས་བརྩོན་ཆེ་བའི་ཁུར་བཞེས་མཛད་པས། དྲུང་ནས་ཆོས་ཀྱི་བཟང་པོ་བས། རང་རེའི་རྗེའི་དྲུང་ཆེན་པོ་བ་ཀུན་ཀྱང། དགེ་ལྡན་པ་ལ་སྐྲུས་པའི་དབྱར་གནས་འདིས་ཐ་ན་གྲྭ་པའི་ཆོས་ཀ་འཚོལ་བ་ཚུན་ལ་ཞག་བདུན་ལས་འགྲོ་ས་མེད་པ་འདི་