[A:126]གསང་ཕུར་བདུད་སྡེ་བཅོམ་པའི་ལྟས་ཁྱད་པར་བའི་མཚན་མ་བསྟན་པའི་དབུ་མའི་སྟོང་ཐུན་ཆེ་ཆུང་གཉིས་དང། ཕར་ཕྱིན་གྱི་སྤྱི་དོན་ཆེན་མོའི་བརྩམས་ཆོས་ཀྱི་དབུ་བཙུགས་ཏེ། རིམ་གྱིས་མཐར་ཕྱིན་པར་མཛད་ལ། སྔར་མངའ་རིས་སུ་དགུང་ལོ་ཞེ་གཅིག་དུས། གནས་གསུམ་གསལ་བྱེད། ཀུན་མཁྱེན་རོང་པོའི་རྣམ་ཐར། སྡོམ་གསུམ་གྱི་དྲི་བ་སོགས་ཀྱི་ཡིག་མཁན་ཀོང་སྟོན་མགོན་པོ་རྒྱལ་མཚན་ཡིན་ཞིང། ཕྱིས་དགུང་ལོ་དོན་བདུན་བར་གྱི་རྩོམ་ཡིག་དྲུང་ནས་ལོ་ཙ་བ་ཆོས་རྒྱལ་མཚན་པས་གནང། ཁོང་རྒྱ་གར་ལ་གཤེགས་ཕྱིན། བདེ་མཆོག་རྣམ་བཤད། བྱམས་ཆོས་ལམ་རིམ་སོགས་སྐུ་ཚེ་མཐར་ཕྱིན་གྱི་གསུང་རྩོམ་དག་གི་ཡི་གེ་པ་ནི་ད་ལྟའི་ཨ་ཞང་བསོད་ལྷུན་པ་ཉིད་ཡིན་ལ། དྲུང་ཡིག་ཆོས་རྒྱན་པ་ཡང་གློ་བོའི་སྡེ་པ་བཀྲ་ཤིས་མགོན་པས་སྤྱན་ལམ་དུ་ཐོགས་པ་རང་མ་བྱུང་བས། མངའ་རིས་གུང་ཐང་ཚོར་ཕེབས། མངོན་དགའ་ཆོས་སྡེར་མཁས་བཙུན་དཔལ་ལྡན་དར་གྱི་དྲུང་དུ་སྒྲའི་ས་རིས། སྙན་ངག། སྡེབ་སྦྱོར། རྒྱ་ཡིག་རྣམ་གྲངས་དུ་མའི་བསླབ་སྦྱངས་ཡང་དག་གནང་རྗེས། ཁོང་པས་ཁྱོད་བློ་གསལ་བར་འདུག་པས་བསྟན་པ་ལ་ཕན་པ་སྲིད། མཚན་ཉིད་ཀྱི་སློབ་གཉེར་ལ་བཀྲ་ཤིས་ལྷུན་པོར་བྱོན་གསུང་བ་ལྟར་བྱོན་ནས་ཕར་ཕྱིན་གྱི་ལུང་འབྲིང་ཙམ་མཛད་སྐབས། མངའ་རིས་གློ་བོའི་གྲྭ་པ་བྲག་དཀར་ཆོས་རྗེ་ཡོན་ཏན་བཟང་པོ་དང། དྲུང་བཙུན་ཤེས་རབ་དཔལ་འབྱོར་བས་བློ་བརྐུས་ནས་ས་སྐྱ་པར་ཞལ་བསྒྱུར་ཏེ། པཎ་ཆེན་རིན་པོ་ཆེའི་ཞབས་དྲུང་ཚོར་ཕེབས། དྲུང་ནས་ཤངས་པ་ལ་ཕར་ཚད་དབུ་གསུམ་གྱི་གཏོང་ཆོས་ཞུས་ནས། ཐོགཐོཀ་མར་ཐུགས་གཉེར་རང་ལོ་སྦྲེལ་མཛད་རྗེས༎ རིམ་གྱིས་རིག་གནས་ཀྱི་སྐུ་ཡོན་ལ་དཔགསvc: or: dbags?ནས། པཎ་ཆེན་རིན་པོ་ཆེའི་སྤྱན་ལམ་ཐོགས་ཏེ་རྩོམ་ཡིག་གི་མཐིལ་མ་གནང་བའི་བཀའ་འབུམ་ཕལ་ཆེར་