[A:138]ཐུགས་རྗེའི་བསིལ་ཟེར་ཕྱོགས་བརྒྱར་སྤྲོ་མཁས་པ༎
བློ་གྲོས་ཆོས་ཀྱི་དབང་ཕྱུག་འདི་ན་ཤར༎
ཞེས་སྤེལ་ལེགས་ཀྱི་སྙན་ངག་ཀྱང་པཎ་ཆེན་ཉིད་ཀྱིས་གནང་ཞིང། དེར་བཀའ་ལས། རང་རེའི་ཕ་སྒོ་མ་སྒོ་སློབ་དཔོན་སྒོ༎ སྒོ་གསུམ་མཆོད་པའི་སྐུ་དྲིན་ཅན༎ ཟེར་བ་དེ་རང་ཡིན་ནོ་གསུང། དུས་ཆེན་ལ་ཡང་མང་ཇ་འབད་མེད་སྩོལ་བའི་རྒྱུན་རྗེ་ཀུན་དགའ་རྒྱལ་མཚན་པའི་དུས་ཀྱང་ཡོད་མོད། ཕྱིས་ནན་གྱིས་བཅག་ནས་མིང་མི་གྲག་གོ༎
དེ་ནས་དགུང་ལོ་ལྔ་བཅུ་ང་ལྔ་པའི་སྟེངས་སུ་རིགས་གཏེར་གྱི་ཊཱི་ཀའི་ཐུགས་རྩོམ་གནང་ཞིང། འདི་བསྐུལ་བ་པོ་གསང་ཕུའི་ཆེན་པོ་ཀུན་དགའ་དཔལ་འབྱོར་བས་མཛད་ཅིང། འདི་ལ་ཀོང་སྟོན་བྱང་ཆུབ་སེམས་དཔའ་དབང་ཕྱུག་གྲུབ་པ་ཡང་ཐུགས་ལྷག་པར་མཉེས་ཤིང། ཞལ་ནས། ཚད་མ་རིགས་གཏེར་འཆད་ན་དྲུང་ཆེན་པོ་བས་མཛད་པའི་སྡེ་བདུན་ངག་རོལ་འདི་དགོས་པར་འདུག། ཅེས་ཡང་ཡང་གསུང་བ་པཎ་ཆེན་རིན་པོ་ཆེས་ཀྱང་སྙན་དུ་གསན་ནས། ཕྱིས་ཆོས་རྗེ་ཀོང་སྟོན་ཐུབ་བསྟན་གདན་སར་ཕེབས་དུས་ཀྱང་ཁྲི་སྟོན་ལ། ཆོས་རྗེ་ཀོང་པོ་རབ་འབྱམས་པ་འདི་ལ་དགེས་པར་འདུག་ཟེར་གསུང་སྡེ་བདུན་ངག་རོལ་ཞིག་འབུལ་བ་གནང་ངོ༎
ཆུ་ཕོ་སྟག་ལོ་vc: 1482འདི་ལ་སྡེ་པ་གཙང་ཆེན་པ་དང། ཧོར་ཤཱཀྱ་བ་སོགས་སྟོབས་ཀྱི་འཁོར་ལོ་སྒྱུར་བ་དེ་རྣམས་ཀྱི་བླ་མར་བཀུར་ཞིང། ཕྱག་དང་འདུད་པ་སྔོན་དུ་འགྲོ་བས་ཞབས་ཀྱི་པདྨོ་འདེགས་པར་མཛད་དོ༎
དེའི་ཕྱི་ལོ་ཆུ་མོ་ཡོས་ལོ་vc: 1483ཤར་བའི་སྐབས། དབུས་ནས་མཁན་ཆེན་ཉི་མའི་དྲུང་དང། ནུབ་ཆོས་ལུང་ནས་ཀྱང་མཁན་ཆེན་རཏྣ་ཀ་རས་ཞུ་གསོལ་མཛད་ནས། སྔར་དགུང་ལོ་ཞེ་བརྒྱད་སྐབས་ཀྱི་དྲིས་ལན་ལེགས་བཤད་གསེར་གྱི་ཐུར་མར་མཚན་གསོལ་བའི་ལན་འདེབས་ཀྱི་བསྟན་བཅོས་ཀྱི་ཐུགས་རྩོམ་ཡང་འབྲི་བ་གནང་ལ། སྔར་བསྟན་པའི་མེས་པོར་དགོངས་ནས་ཀུན་མཁྱེན་སངས་རྒྱས་འཕེལ་བའི་དྲུང་ཚོར་ཐོག་མའི་དྲི་བ་ཕུལ་བ་ལ། མཛད་དཀའི་དབང་ལས་བཏང་སྙོམས་