[A:137]gzhung brtul phod pa'i ring lugs rjes su skyong bar 'dod nas/ dgung lo nga gnyis bzhes pa'i sa mo phag gi lo vc: 1479de nyid la phar phyin gyi spyi don chung ba'i thugs rtsom gyi dbu tshugs nas/ de'i lo phyi ma lcags pho byi ba'i lo vc: 1480mthar phyin zhing/ 'di skabs bdag gi gnas kyi slob dpon mkhas pa don yod grub pa yang zhabs drung du phebs pa gnang ngo//
der dgung lo nga bzhir phebs pa lcags mo glang gi lo vc: 1481la/ chu mig bdag chen chos dbyings su bzhud pa'i dgongs rdzogs kyi rim pa'i khur len/ sku gdung zhugs 'bul bar gyi bdag gnyer ma lus pa paN chen rin po che nyid kyis lhums zhugs gnang nas/ dgongs rdzogs dngos gzhi la ngor dang/ thub bstan rnam rgyal gnyis ka'i tshogs pa mchod zhing du spyan 'dren gnang zhing/ de dus ngor dgon gsar gyi mkhan stengs na mkhas grub dpal ldan rdo rje ba bzhugs pa'i dus yin pas/ der phyag gi bkur sti sogs tshul bzhin gnang zhing/ thub bstan mkhan por mkhas pa chen po go bo rab 'byams pa nyid bzhugs pas der chu mig tu dgon gsum ka'i dge 'dun rnams bsags/ bdag chen drung gi phyag rdzas rten mchod par 'os pa rnams ngor dang/ rjes byon gyi dpon slob rnams kyi phyag tu btang zhing/ sngon bdag chen zhal bzhugs dus gnang ba'i rdo rje phreng ba'i dkyil 'khor zhe gnyis ma ding sang ka drug mar bzhugs pa 'di dang/ lam 'bras lha khang gi dar nag la bris pa'i dar gyi/ 'khor chen 'jigs byed rnams kyi dkyil thang dang gras mthun gyi rdo rje 'chang rnams las gzhan phyag dpe dbang rdzas sogs sna gcig ma lus par tshogs 'gyed gnang bas/ khong la la dag chos rje chen po ba'i drung mtshan nyid pa sang sang du song bas gsang sngags kyi chas la thugs rtsis mi gnang ba yin yod zer mi yang byung skad do//
de dus kyi 'bul yig gi dbur/
'khon gyi rigs brgyud 'od dkar ma nyams shing//
mkhyen pa'i cha shas mang po'i mdzod bzung nas//