[A:144]པ་ཕྱག་གིས་བཟུང་ནས། འན་བུའི་བླ་མ་ཐེག་ཆེན་ཆོས་ཀྱི་རྒྱལ་པོ་དབང་གནང་དུས་འདི་ལྟར་མཛད་གསུང་སྐུ་སྒེག་དང་བརྗིད་བསྟན་ནས་གནང་ཞིང། ཡང་ཆོས་རྗེ་རྡོ་རྗེ་འཆང་ཆེན་པོ་འདི་ལྟར་དུ་གནང་གསུང༎ སྐུ་གཟུགས་ཅི་བདེར་མཛད་ནས་བུམ་དབང་ལན་རེ་དང་ཆུ་དབང་ལན་གཉིས་གནང། དེ་དུས་དབང་དེ་གནང་བའི་ཞིང་ཞིང་གཞན་སྦྱིན་བདག་འདྲ་ལ་ཚེ་དབང་རེ་ཙམ་གནང་ཞོར་ལ་གྲྭ་རྒན་འགས་ཐོབ་པ་ཙམ་ལས་དབང་རྗེས་གནང་སོགས་ཐོབ་པ་གཏན་མེད། འཕྲལ་གྱི་བྱམས་པའི་མཚན་བརྒྱ་དང། བྱམས་སྨོན་གྱི་ལུང་གཉིས་ཕལ་ཆེར་གྱིས་ཆོས་འབྲེལ་དུ་ཐོབ་པ་ཅིག་ཡོད་ཅེས་ཐོས་སོ༎
དེར་ཡོས་ལོ་དེ་ཉིད་ཀྱི་བསྟན་བཅོས་པའི་ལོ་འཕོས་པའི་རྒྱལ་ཟླའི་ཚེས་བཅོ་ལྔའི་ཉིན། གུང་ཚིགས་རན་ཙམ་ལ་པཎ་ཆེན་རིན་པོ་ཆེ་བྱ་རྒོད་ཕུང་པོའི་ཆོས་ཁྲིའི་ཁ་ནས་བཞེངས། བླ་བྲང་དུ་ཕེབས་པའི་ཞལ་བསྒྱུར་ཙམ་ན། དགོན་པ་ཤར་ནས་དགེ་བཤེས་བསམ་གཏན་པ་སླེབ་བྱུང་ནས། ད་ལྟ་རང་ཕེབས་དགོས་པ་འདུག་ཞུ་ཡིན་འདུག་པས། དྲུང་ཡིག་ཆོས་རྒྱན་པ་ལ་ཁྱོད་སོང་ལས། ཁ་ཐགས་དཀར་པོ་ཅིག་མགྱོགས་པར་ཁྱེར་ཤོག་གསུང། དྲུང་བཙུན་ཤེས་རབ་དཔལ་འབྱོར་བ་ལ། ཁྱོད་རང་ངའི་གདིང་བ་དང་ཟླ་ཁམས་འདི་ཁུར་ལ་འདེད་གསུང་ཞབས་བསྐྱོད་པ་མྱུར་བར་ཕེབས་པས། རྗེ་དོན་ཡོད་དཔལ་སྐུ་བསྲངས་སྤྱན་ཟིམ་མེ་འདུག། དེར་པཎ་ཆེན་རིན་པོ་ཆེའི་དྲུང་གིས་གསུང་དབངས་ལྷག་པར་མཐོ་བས། བདག་དྲུང་དུ་སླེབ་ཡོད་པས་དགོངས་ཀྱི་ཨེ་འདུག་ཞུ་བ་གནང་སོང་བས། སྤྱན་ཁྲོལ་ལེ་བཞད་ཡལ་མཛད་ནས་ཕྱག་མཛུབ་ཀེར་གནང་བྱུང་བས། པཎ་ཆེན་རིན་པོ་ཆེའི་སྐུ་ཆོས་ཀྱིས་ལྗིབས་ནས་ཕྱག་གིས་བཟུང་སྟེ། དབུ་དཔྲལ་དུ་བཞག་ནས་སྨོན་ལམ་གྱི་རྣམ་པ་ཞིག་གནང་བའི་རིང་ལ་ཞིང་བརྗེས་སོང། དེ་མཚམས་དྲུང་ཡིག་ཆོས་རྒྱན་པ་སླེབ་བྱུང་ནས་འགང་དཀར་དེ་འབུལ་བ་གནྡ་སོང་བས། པཎ་