[A:145]ཆེན་རིན་པོ་ཆེ་ཉིད་ཀྱི་ཕྱག་གིས་རྗེ་དོན་ཡོད་དཔལ་བའི་ཞལ་གདོང་ལ་ཕུལ་ནས། རྒྱུད་བླ་མའི་རྡོ་རྗེའི་གནས་བདུན་དེ་ཚར་གསུམ་གསུང། ད་ངེད་ཀྱིས་གྲབས་འདྲ་དང། གཞིས་ཀ་དང་ཤངས་ཚོར་མི་སྣ་འདྲ་རྫོང་བ་ལ་འགྲོ། བསྙུང་བའི་ཚུལ་ཙམ་མེད་པའི་ཞིང་བརྗེས་པ་འདི་ཡ་རང་ཆ་འདུག་གོ་གསུང་ནས་ཕེབས་ཤིང། དེར་བླ་བྲང་དུ་ཕེབས་འཕྲལ་དྲུང་ནས་ཆོས་ཀྱི་པ་དང། དྲུང་ནས་སངས་བློ་བ་གཉིས་དེ་མ་ཐག་སྐུ་གདུང་གི་དྲུང་དུ་མཆོད་འབུལ། བྱམས་ཆོས་སྒྲོག་པ་ལ་རྫོང་བ་གནང་རྗེས། སྔར་གྱི་བཀའ་བཞིན་དུ་སྐུ་གདུང་ཞུགས་འབུལ་བ་ལ་སྲང་དགོན་གསར་ནས་སྲད་པ་ཀུན་བློ་ཡང་སྤྱན་འདྲེན་ལ་གནང། དེར་དེ་ཉིན་ནས་ཐོག་མར་སྐུ་རིམ་དུ་མིང་བཏགས་པའི་མང་ཇ་བཙུགས་རྗེས་ཤངས་མཐོང་སྨོན་གཞིས་ཀ་སོགས་ནས། སྐུ་ངོ་རྣམ་པས་གདུང་མཇལ་གནང་བ་གྲུབ་པ་དང་བསྟུན་གསང་བརྟོལ་གྱི་མང་ཇ་འགྱེད་ཆས་བླ་བྲང་ནས་གནང། དགོངས་རྫོགས་གཙོ་བོར་བླ་མའི་གདན་ས་ཡིན་པས་གསུང། ངོར་ཚོར་ཚྭ་ར་མང་ཇ་དང་འགྱེད་ཕུན་སུམ་ཚོགས་པ་ཞུ་བ་ལ་དྲུང་ཆེན་སངས་རྒྱས་སེང་གེ་བའི་ཕྱགས་ཕྱིར་ངོར་པ་རང་གི་ཟུར་འཆད་པ་སློབ་དཔོན་བསོད་ནམས་སངས་རྒྱས་པའི་དབོན་པོ་ཀུན་དགའ་བཟང་པོ་དང། ཕྱིས་རྒྱ་བར་ནང་པའི་མཆོད་གནས་ལ་རྒྱུན་བཞུགས་ཀྱི་དབོན་པོ་དབང་ཕྱུག་པ་གཉིས་ཀྱིས་གཙོས་པའི་ནང་ཟན་མི་སྣ་རགས་བསྡུས་རྫོང་བ་གནང། དེ་དུས་ངོར་གདན་སར་ཆོས་རྗེ་གོ་བོ་རབ་འབྱམས་པ་བསྐོས་ཕྲལ་ཡིན་ཞིང། དེའི་བསྔོ་བའི་སྐབས། ཚེ་ལས་འདས་པ་དོན་ཡོད་དཔལ་བ་ལ་དགོངས་སུ་གསོལ། གསུངས་པས། དྲུང་ཆེན་སངས་རྒྱས་སེང་གེ་བ་བསྔོ་བ་ཞུ་མི་ཡིན་པ་སྡོདvc: or: sngod?མ་ཟུག་པར་ཧར་ལངས་བྱས་ནས་ཤར་ལ་ལམ་མི་འཆག་ལ་ཐེགས་ཤིང། ངོར་རང་གི་ཚོགས་པ་ཀུན་ཀྱང་ཐུགས་མ་རངས་པ་དང་གཞི་བྱེས་ཡོ་ཞལ་སྐྱེངས་པར་