[A:84]གྲུབ་བརྙེས་སྤྱན་སྔར་གྲུབ་ཐོབ་གསུང༎
མཐའ་ཡས་གཏིང་མཐའ་བྲལ་བའི་ཟབ་ཆེའི་ཆོས༎
ཁྲིད་ཚུལ་དུ་མའི་ཟབ་ཁྲིད་དཔག་མེད་ཀྱིས༎
ངེས་གནས་གསལ་བའི་རྟོགས་པས་ཕྱུག་པར་མཛད༎
རིགས་མཐོ་མཁྱེན་བརྩེའི་སྤྱན་མངའ་མཆེད་ཀྱིས་གསུང༎
རྣར་སྙན་རྔ་སྒྲས་ལེགས་པར་བསྐུལ་བྱས་ནས༎
རྡོ་རྗེ་འཆང་དབང་མི་ཡི་ཚུལ་འཛིན་པ༎
ཀུན་དགའི་མཚན་མཆོག་བཟང་པོའི་ཞབས་པད་བསྟེན༎
གསང་ཆེན་གདམས་པའི་ཆོས་རྒྱུན་ཏིང་འཛིན་གང༎
གང་ཡང་ས་བཅུའི་སྲས་ལ་རྒྱལ་བས་བཞིན༎
བཞིན་བཟང་དད་ལྡན་འདུས་པའི་ཆོས་གྲྭར་ཡང༎
ཡང་དག་ཐུགས་ཀྱི་བཞེད་མཚོ་རྒྱ་ཆེར་གང༎
མཁས་པར་སྒྲོག་པའི་རྒྱུ་མཚན་ལེགས་བྱས་གཏམ༎
ཐ་གྲུ་ཡངས་པའི་ཕ་མཐར་རྗེས་འགྲོ་བ༎
སྔོན་མེད་ཡོངས་རྫོགས་བསྟན་པའི་གྲངས་ངེས་ཚིག༎
གཞུང་ལུགས་རབ་འབྱམས་ཚངས་པའི་དབྱངས་ཀྱིས་བསྙད༎
དེའི་ཚེ་ལྷ་བཅས་འཇིག་རྟེན་མ་ལུས་པས༎
མཐུན་པར་རྗེས་སུ་བསྔགས་པའི་བསྟོད་ཚིག་དག༎
ཡི་གེར་འཕོས་ནས་ས་ལ་རབ་བརྟན་གྱི༎
གླང་ཆེན་ཁུར་དུ་ལོངས་པའི་ཆོས་ཕུང་སྤེལ༎
ཅེས་པཎྜི་ཏ་ཆེན་པོ་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཀྱི་རྣམ་པར་ཐར་པ་ཞིབ་མོ་རྣམ་པར་འབྱེད་པ་ལས། གདན་ས་ཆེན་པོར་གཞུང་ལུགས་རབ་འབྱམས་ཀྱི་ངག་རྗེས་སུ་སྒྲོགས་པའི་སྐབས་ལས་བསྒྲགས་པའི་རབ་ཏུ་བྱེད་པ་བཅུ་གཅིག་པའོ༎
Chapter 12: dbang bskur rab 'byams rjes su nod pa'i skabs
དེར་པཎ་ཆེན་རིན་པོ་ཆེ་ཉིད་དགུང་ལོ་ཉེར་དགུར་ཕེབས་པ་མེ་ཕོ་བྱི་བའི་དཔྱིད་སོས་ལ་ཡར་རྒྱབ་ཕྱོགས་སུ་ཕེབས་ནས། གྲྭ་བྱམས་པ་གླིང་དུ་ཆོས་རྗེ་ཡར་དབོན་པ་བསོད་ནམས་རྣམ་རྒྱལ་བའི་དྲུང་དུ་སེམས་ཙམ་ལུགས་ཀྱི་སེམས་བསྐྱེད་དང། ཕྱངvc: or: byang?སའི་ཚུལ་ཁྲིམས་ལེའུའི་ལུང་གསན་དུས། དེ་ན་ནཱ་ལེནྡྲའི་གཟིམས་