[A:84]grub brnyes spyan sngar grub thob gsung//
mtha' yas gting mtha' bral ba'i zab che'i chos//
khrid tshul du ma'i zab khrid dpag med kyis//
nges gnas gsal ba'i rtogs pas phyug par mdzad//
rigs mtho mkhyen brtse'i spyan mnga' mched kyis gsung//
rnar snyan rnga sgras legs par bskul byas nas//
rdo rje 'chang dbang mi yi tshul 'dzin pa//
kun dga'i mtshan mchog bzang po'i zhabs pad bsten//
gsang chen gdams pa'i chos rgyun ting 'dzin gang//
gang yang sa bcu'i sras la rgyal bas bzhin//
bzhin bzang dad ldan 'dus pa'i chos grwar yang//
yang dag thugs kyi bzhed mtsho rgya cher gang//
mkhas par sgrog pa'i rgyu mtshan legs byas gtam//
tha gru yangs pa'i pha mthar rjes 'gro ba//
sngon med yongs rdzogs bstan pa'i grangs nges tshig//
gzhung lugs rab 'byams tshangs pa'i dbyangs kyis bsnyad//
de'i tshe lha bcas 'jig rten ma lus pas//
mthun par rjes su bsngags pa'i bstod tshig dag//
yi ger 'phos nas sa la rab brtan gyi//
glang chen khur du longs pa'i chos phung spel//
ces paNDi ta chen po shAkya mchog ldan dri med legs pa'i blo gros kyi rnam par thar pa zhib mo rnam par 'byed pa las/ gdan sa chen por gzhung lugs rab 'byams kyi ngag rjes su sgrogs pa'i skabs las bsgrags pa'i rab tu byed pa bcu gcig pa'o//
Chapter 12: dbang bskur rab 'byams rjes su nod pa'i skabs
der paN chen rin po che nyid dgung lo nyer dgur phebs pa me pho byi ba'i dpyid sos la yar rgyab phyogs su phebs nas/ grwa byams pa gling du chos rje yar dbon pa bsod nams rnam rgyal ba'i drung du sems tsam lugs kyi sems bskyed dang/ phyangvc: or: byang?sa'i tshul khrims le'u'i lung gsan dus/ de na nA lendra'i gzims