[A:86]དཔོན་སློབ་རྣམ་པས་ཚོགས་འཁོར་རྒྱ་ཆེར་བཤམས། གསོལ་བ་བཏབ་ནས་ནཻ་གུའི་ཁྲིད་པགྱག་ཆེན་གའུ་མ་སོགས་ཤངས་པའི་གསེར་ཆོས་བཞིའི་ཁྲིད་མ་ལུས་པ་དབང་དང་རྗེ་འབྲེལ་ཡེ་ཤེས་མགོན་པོ་ཕྱག་དྲུག་པ་དཀར་དམར་མཐིང་ཁ་སོགས་ཤངས་ཆོས་ཡོངས་སུ་རྫོགས་པར་ཐོབ། དེ་དུས་ད་ལྟའི་གྲུབ་ཐོབ་དབུས་སྨྱོན་པ་འདི་ལྷུན་སྡེ་པའི་མཛོ་རྫི་ལ་འདུག་ཅིང། དེ་ལོ་སྤྱང་ལུང་རིན་པོ་ཆེ་དགུང་ལོ་གྱ་ལྔ་པའི་སྟེངས་ཡིན་པས། དེ་བར་གྱི་རྣམ་ཐར་དེ་ཡང་ཆེན་པོ་དཔལ་རྒྱ་མ་པས་བསྐུལ་ནས་དུས་དེ་ཀར་སྦྱར་བ་ཡིན་སོགས་དྲིན་ཅན་སྤྱང་ལུང་རིན་པོ་ཆེ་ལས་ཐོས་སོ༎
དེ་མཚམས་པཎ་ཆེན་རིན་པོ་ཆེ་དགུང་ལོ་སུམ་ཅུར་ཕེབས་vc: 1457པ་མེ་མོ་གླང་གི་ལོའི་དབྱར་ཆོས་གྲོལ་རྗེས་གླང་ཐང་ཚོར་ཕེབས་དུས། སྤྱན་སྔ་སྐུ་མཆེད་དྲུང་གིས་བཀའ་སྩལ་ལ་སྔར་གླང་རི་ཐང་འདི་བཀའ་གདམས་པའི་གྲྭ་ས་གྲགས་ཐོབ་ཡིན་འདུག་ཅིང། ཕྱིས་སྔགས་ལ་འགྱུར་ཕྱིན་ས་སྐྱ་པའི་ལུགས་གཙོ་ཆེ་བར་དར་འདུག་པ་ལ། སྤྱན་སྔ་གོང་མ་རྣམ་པ་ཐེག་ཆེན་ཆོས་རྗེ་པའི་ཕྱག་ལེན་ཉིད་སྐྱོང་བ་གནང། དེའི་རྒྱུན་ལྟར་ན་དིང་སང་ཐེག་ཆེན་ཆོས་རྒྱལ་བའི་དངོས་སློབ་ལ་ཆོས་སྡིངས་རིན་པོ་ཆེ་ལས་ལྷག་པའི་མཁས་གྲུབ་མི་རྙེད་ཅིང། རང་རེ་དང་རྟ་ཆགས་རྐྱང་འགུག་གི་ས་ན་བཞུགས་པ་འདི་ཡིན་ཀྱང། སྔོན་རྗེ་རོང་སྟོན་ཆེན་པོའི་བཀའ་ལུང་ལ། ངེད་ཀྱིསཀྱི་ས་སྐྱར་ཐེག་ཆེན་པའི་དྲུང་དུ་ལམ་འབྲས་ཞུ་བ་ལ་ཕྱིན་དུས། ས་སྐྱའི་ཤཱཀ་བཟང་བླ་བྲང་ནས་བཟད་པ་ཀུན་དགའ་བཟང་པོ་བ་བཞུགས་འདུག་པའི་རྩར་ཇ་མགྲོན་ལ་ཕྱིན། སྔགས་ཆོས་ཀྱི་གླེང་སློང་བྱུང་བས་བླ་མའི་དྲུང་དུ་ཉན་ཆོས་ཞུས་པ་ལས་ལྷག་པའི་བློ་བསྐྱེད་ཤ་སྟག་བྱུང། དིང་སང་སྔགས་ཀྱི་ཚུལ་ལ་རྡོ་རྗེ་འཆང་མངོན་སུམ་དུ་བཞུགས་སྣང་བས་འདིར་སྔགས་སློབ་ཟེར་མི་ཀུན་ཀྱང་ངོར་ཚོར་བརྫངས་ཤིང། ལྷ་འབྲི་སྟོན་པ་ཤེས་