[A:87]རབ་འོད་ཟེར་བ་ནི་སྔགས་ལ་ཡང་བཀའ་རབ་འབྱམས་སུ་སྨྲ་བ་ཞིག་བྱུང་སྣང་ངོ༎ ཁྱེད་རང་རྣམ་པའང་སྔགས་སློབ་ན་དེར་སྙོགས་ཞེས་པའི་བཀའ་ལུང་ལ་ཚད་མ་བྱས་སྔ་རྟིང་དུ་ངོར་ཚོར་ཕྱིན་ས་སྐྱ་པའི་ཡབ་ཆོས་རྒྱུད་གསུམ་མན་ངག་དང་བཅས་པའི་དབང་བཀའ་མཐིལ་ཕྱིན་ཐོབ་ནའང་དབང་རབ་འབྱམས་དང་རྒྱུད་འབུམ་གྱི་ལུང་སོགས་ཀྱི་བཞེད་ཆེ་བར་ཡོད་པས། ཆོས་རྗེ་རྡོ་རྗེ་འཆང་ལ་རྒྱུ་མཚན་ཕུལ་དུས། སློབ་དཔོན་ཤེས་རབ་རྒྱ་མཚོ་བ་རང་དྲག་གསུང་ཟུར་སློབ་ལ་བརྟེན་སྐབས། མངའ་རིས་གློ་བོའི་རྣམ་རྒྱལ་ཆོས་སྡེའི་ཆོས་དཔོན་ལ་སྤྱན་དྲངས། དེ་རྗེས་མུས་ཚོར་བརྟགས་ཀྱང། རྗེ་མུས་པ་ཐུགས་ནང་རང་ལ་གཞོལ་བས་འཆད་ཉན་སོགས་འཁོབས་ཆུང་ཞིང། མུས་ཕྱོགས་ལུང་ལག་དོག་པས་འཕྲལ་ཆས་སོགས་ཀྱི་མཐུན་རྐྱེན་འགྲིག་པ་ལའང་དཀའ་ཚེགས་ལྷག་པར་ཆེ་བ་སྣང་བས། ཁོང་དེ་ཡབ་སྲས་གཉིས་ཀའི་ཞལ་སློབ་དུ་འདུག་པ་དང། ཁ་རྩང་ནས་གྲུབ་མཐའི་དགག་སྒྲུབ་སོགས་ཀྱི་རྩ་བ་ལ་བརྟེན། གོང་དཀའ་བའི་ཆོས་མཛད་པ་སོགས་ཀྱིས་ཀྱང་སྡང་སྨྲས་ཆེར་བྱེད་ཅིང་ཡོད་སྣང་བའི་དབུ་འདོན་དུ་ཡང་སྣང་བས། སློབ་དཔོན་གུང་རུ་བ་ཤེར་བཟང་པ་ཤེལ་གྲོང་ནས་བོས། སྔར་མ་ཐོབ་པའི་དབང་རྣམས་ཞུས་ན་བསམ་པ་ཅི་ལེགས་ཀྱི་བཀའ་གྲོས་གནང་དུས། པཎ་ཆེན་རིན་པོ་ཆེས། གུང་རུ་བར་ད་རེས་ཙམ་གྱི་བླ་མའི་འོས་ཅི་ཡིན། གོང་དཀར་ཚོར་ཡང་གྲུབ་མཐའ་ལ་བརྟེན་མཐུན་རྒྱུ་མི་འདུག། འཕྲལ་ཁམས་པའི་གྱོང་བཙོངས་པས་ཡོན་མཆོད་སྣ་ཆང་ལ་སོང་བར་སྣང་ཞིང། ཕུག་སvc: or: phugs?ཆོས་རྗེ་རྡོ་རྗེ་འཆང་ཆེན་པོའི་ཕྲིན་ལས་ལ་ཡང་གནོད་ངེས་སུ་སྣང་ལགས། ད་འདི་ལྟར་གསན་པ་རྒྱ་ཆེ་རང་ཞིག་གི་དགོངས་བཞེད་ཡོད་ན། རྗེ་རྡོ་རྗེ་འཆང་ཆེན་པོའིཔའི་ངོར་དགོན་པ་འདེགས་དུས་ཀྱི་གྲྭ་རྙིང། རུ་པ་ཀ་བཞི་པ་ཞུ་བའི་སྐུ་བཙན་ཞིང་མདོ་སྔགས་ཀྱི་གསན་