[A:91]རྒྱས་ཐོད་པ་ལྷ་དགུ་མའི་དབང། མ་ཧཱ་མཱ་ཡ་ལྷ་ལྔ་འཕགས་པ་རིན་པོ་ཆེའི་མངོན་དཀྱིལ་སྟེང་ནས་དང། རྡོ་རྗེ་གདན་བཞི་ལྷ་མངས་ས་བཟངས་པའི་ཡི་གེའི་སྟེང་དང། བདེ་མཆོག་སྡོམ་འབྱུང་མངོན་དཀྱིལ་དུ་སྟོན་པའི་ཡི་གེ་དང། བདེ་མཆོག་སྦྱངས་པའི་ཡོན་ཏན་ལྷ་བཅུ་གསུམ་མ་མར་ངོའི་ཡི་གེ་དང། སྡེ་མཆོག་དྲིལ་བུ་ལྷ་ལྔ་ལོ་ཙ་བ་རིན་ཆེན་རྣམ་རྒྱལ་བའི་ཡི་གེ་དང། བདེ་མཆོག་ནག་པོ་པ་འཕགས་པའི་མངོན་དཀྱིལ་སྟེང་ནས་དང། ཀྱེ་རྡོ་རྗེ་མཚོན་ཆ་ཅན་རྡོ་རྗེ་འཆང་གི་མངོན་རྟོགས་སྟེང་ནས་དང། བདག་མེད་ལྷ་མོ་ཉེར་གསུམ་མ་གུང་པ་བཀྲ་ཤིས་བཟང་པོའི་ཡི་གེའི་སྟེང་ནས་དང། གཞན་ཡང་ཀྱཻ་རྡོར་བཀའ་བབས་བཞི་བདག་མེད་ལྷ་མོ་བཅོ་ལྔ། སྒྲོལ་མ་བླ་མེད་བཅུ་བདུན་མ། སྒྲོལ་མའི་ནང་ལུས་དཀྱིལ། རྣམ་དག་གཙུག་ནོར་ནས་བཤད་པའི་སྒྲོལ་མ་ཉེར་གཅིག་གི་དབང་མི་གཡོ་བླ་མེད་ལྷ་དགུ་མ་ལོ་ཙ་བ་གྲགས་རྒྱལ་གྱི་ཡིག་སྟེངས་ནས་དང། གུར་སྒྲོལ་ལྷ་བཅུ་མ་བདེ་བ་ཅན་པ་ཡེ་ཤེས་མགོན་གྱི་ཡི་གེའི་སྟེང་དང། མཆོག་གི་སྒྲོལ་མ་དམར་མོའི་དབང་བློ་ཆེན་སངས་རྒྱས་སྲས་ཀྱི་ཡི་གེའི་སྟེང་དང། གཞན་ཡང་རྔོག་པའི་དཀྱིལ་འཁོར་བདུན་དུ་གྲགས་པ་ཀྱེ་རྡོར་ཡབ་བཀའ་ཡུམ་བཀའ་གཉིས། རྡོ་རྗེ་གུར། གདན་བཞི་ཡབ་བཀའ་ཡུམ་བཀའ་གཉིས། མཧཱ་མཱ་ཡ། འཇམ་དཔལ་གསང་ལྡན་ཏེ་དཀྱིལ་འཁོར་བདུན་གྱི་དབང་དང། སྤྱན་རས་གཟིགས་པདྨ་དྲ་བ་བུ་སྟོན་གྱི་ཡི་གེའི་སྟེང་ནས་དང། ཕག་མོ་གཞུང་དྲུག་ཏུ་གྲགས་པ་ཞལ་གཉིས་མ་ཆེ་ཆུང། དབུ་བཅད་མ་ཆེ་ཆུང། དོན་གྲུབ་མ་ཆེ་ཆུང་རྣམས་ཀྱི་བྱིན་རླབས་གསན་ཞིང། དབང་འདི་ཡིག་ཆ་འདིའི་སྟེང་ནས་གསན་ཚུལ། དེ་དུས་གླང་ཐང་སྤྱན་སྔ་སྐུ་མཆེད་གཉིས་ཀྱི་དབང་དེབvc: or: de ba?གནང་བའི་ཡི་གེ་དངོས་མིག་གིས་མཐོང་བའི་འཁྲུལ་མེད་ལས་ཡིན་ཞིང།