[A:92]དབུས་གོང་མ་དག་གིས་བླ་མ་རྣམས་ལ་དབང་གསན་དུས་འདི་ལྟར་མཛད་པ་བྱུང་བའི་སྤྱན་ལྟོས་ལྟར་ཡིན་པར་མངོན་ནོ༎
དེ་ལྟར་དབང་རབ་འབྱམས་ཀྱི་གསན་པ་གྲུབ་རྗེས། སྟོན་ཆག་ལ་ཆོས་སྡིངས་སུ་ཕེབས། ས་ཕོ་སྟག་ལོ་vc: 1458དགུང་ལོ་སོ་གཅིག་བཞེས་པའི་དུས་དེར་སྤྱང་ལུང་རིན་པོ་ཆེ་པ་ལ། རྩ་རྒྱུད་བརྟག་གཉིས་ཤར་རབ་འབྱམས་པས་ཞུས་ནས་གསན་ཞིང། དག་ལྗོན་སྐོར་གསུམ་ལ་སྐྱོར་ཆོས་བྱས་ཤེས། སྤྱང་ལུང་དགོན་པ་ན་གཏམ་དུ་བཞག་སྣང་ངོ༎
འདིའི་ཕྱི་ལོ་ས་མོ་ཡོས་ལོ་vc: 1459སོ་གཉིས་ཀྱི་སྟེང་དུ་གླང་ཐང་དུ། དུས་ཞབས་པ་ཆེན་པོ་རིན་ཆེན་བཀྲ་ཤིས་པའི་སྤྱན་སྔར་རྡོ་རྗེ་སློབ་དཔོན་གྱི་ལས་མ་ལུས་པ་གཅིག་ཏུ་སྡོམས་པའི་དབང་བསྐུར་རྡོ་རྗེ་འཕྲེང་བ་དང། ཀྼ་ཡ་ས་མུཉྩ་རྗེས་འབྲེལ་གྱི་དབང་བསྐུར་བཞི་བཅུ་ཞེ་ལྔ་ལུང་གིས་བརྒྱན་པ་ཡང་གསན། དེར་གླང་ཐང་སྤྱན་སྔ་མཆེད་ཀྱིས་རྗེ་དུས་ཞབས་པ་ལ་འབུལ་བ་བློས་དཔག་པར་མི་དཔོགས་པའི་རྙེད་པའི་ཡོན་ཡང་དག་པ་ཕུལ་ཏེ། སླར་རུའི་དགོན་པའི་བར་དུ་ཕྱགས་བྱི་འཐེམས་པར་གནང་བ་ཡིན་སྐད་དོ༎
དབང་ལུང་གདམས་པའི་ཆུ་བོ་སྟོང་ཕྲག་བརྒྱ༎
ཁྱོད་བློའི་མ་དྲོས་ཐུགས་མཚོར་ལེགས་བབས་མོད༎
ཁེངས་པའི་རླབས་ཀྱིས་མི་བསྐྱོད་རབ་ཞིའི་གློང༎
གཏིང་མཐའ་མེད་པའི་ཆོས་ཀྱི་རྒྱ་མཚོ་ཉིད༎
གསང་བདག་ཕྱག་ན་བཛྲ་འཛིན་པའི་རྗེ༎
རྡོ་རྗེ་སློབ་དཔོན་མཆོག་དེས་དགེས་པའི་འཛུམ༎
ཡར་ངོའི་ཟླ་ལྟར་སྣང་བའི་ངང་ཉིད་ལས༎
མི་ཟད་དབང་གི་ཆར་རྒྱུན་བསིལ་བར་ཕབ༎
ཀུན་རྟོག་སྤྲིན་ཚོགས་ཕྱོགས་བཅུར་འཐོར་བ་ཡི༎
སྟོང་གསལ་ནམ་མཁའི་རང་བཞིན་གཡའ་དག་པ༎
རང་རིག་ཡེ་ཤེས་འབར་བའི་འཇའ་འོད་ཀྱི༎
ཡ་མཚན་དབང་གི་ཡེ་ཤེས་ཨེ་མ་ཧོ༎
ཡོངས་གྲུབ་གདོད་མའི་ལྷ་ཁྱོད་བཅོས་མིན་ཀྱང༎
གཞན་དབང་ཆོ་གའི་