[A:97]ལས་སོ༎
འདི་ཐད་རྣམ་ཐར་གཉིས་སུ་མི་འབྱུང་ཞིང། རྣམ་ཐར་རྡོར་རྒྱལ་མར། པཎྜི་ཏ་ལོ་ཀོཏྟ་ར་བྱ་ཡུལ་ནས་བྱོན་པ། པཎ་ཆེན་ནགས་རིན་དང་གྲྭ་ཐང་དུ་མཇལ་བས། གསང་ཕུ་ན་སྒྲ་ཤེས་པའི་སློབ་དཔོན་ཞིག་འདུག་གསུང་བ་སོགས་བྲིས་པ་ནི་ཐུགས་མཉམ་པར་མ་གཞག་པ་ཡིན་ཏེ། པཎ་ཆེན་ནགས་རིན་གྱིས་བོད་དུ་ལན་སྔ་མ་བྱོན་དུས་མེ་ཕོ་རྟ་ལོ་vc: 1426ཡིན་ཞིང། འདི་སྐབས་རྩེ་ཆེན་དུ་གྲུབ་ཆེན་ཀུན་དགའ་བློ་གྲོས་པའི་དྲུང་དུ་སྦྱོར་དྲུག་གསན་དུས། བཞུགས་གནས་ཀྱི་ས་ཁྱོན་རྣམས་དུས་ཀྱི་འཁོར་ལོའི་གཞལ་ཡས་ཁང་དུ་པཎ་ཆེན་ནགས་རིན་གྱིས་གཟིགས་ཤེས་ཆོས་རྗེ་གྲུབ་ཆེན་གྱི་རྣམ་ཐར་དུ་ཡང་འབྱུང་ཞིང། དགེ་བའི་བཤེས་གཉེན་དཔྱད་པ་ཆེ་བ་རྣམས་པཎ་ཆེན་ནགས་རིན་པས་སྦྱོར་དྲུག་རང་རེའི་གྲུབ་ཆེན་ལ་གསན། ཐུགས་དམ་ཡང་མངོན་གྱུར་འཁྲུངས་པ་ཡིན་ངེསvc: or: des?ཀྱང། ཕྱིས་དེའི་ཚུལ་གསང། རྣམ་ཐར་དུ་བཀའ་ཆོས་གསན་པ་ཙམ་ཡང་མ་བྲིས་པར་བལ་ཡུལ་དུ་ཤ་ཝ་ར་ལ་གསན་པ་སོགས་མཛེས་བསྒྲིགས་པ་ལ་ཐུགས་སུ་མི་འབབ་པའི་རྣམ་པ་སྟོན་པ་མང་དུ་ཡང་འབྱུང་ཞིང། གཟུ་བོའི་བློས་བརྟགས་ན་དོན་ལ་ཡང་གནས་སོ༎
དེ་དུས་པཎ་ཆེན་རིན་པོ་ཆེ་མ་འཁྲུངས་གོང་གི་ལོ་གཉིས་ཙམ་གྱི་སྐབས་ཡིན། ལན་པར་མ་པཎ་ཆེན་ནགས་རིན་ཕེབས་དུས། ཆེ་ས་གོང་མ་གྲགས་པ་འབྱུང་གནས་དང། ཀུན་མཁྱེན་རོང་པོ་ཆེན་པོས་བཀའ་ཆོས་གསན་ཞིང། འདི་སྐབས་ཀྱང་པཎ་ཆེན་རིན་པོ་ཆེ་དང་མ་མཇལ། ཕྱིས་པཎ་ཆེན་རིན་པོ་ཆེ་དགུང་ལོ་ཉེར་དྲུག་ཏུ་ཕེབས་དུས་པཎ་ཆེན་ལན་རྗེས་མ་གོང་མ་ཀུན་དགའ་ལེགས་པ་མཆེད་ཀྱིས་སྤྱན་དྲངས་དུས་བསམ་ཡས་སུ་མཇལ་ནས། ཚེ་སྒྲུབ་ཁྱད་འཕགས་སོགས་གསན། དེ་ནས་ལོ་སྐོར་གཅིག་སོང་བའི་བྱ་ལོ་ལ་པཎྜི་ཏ་ལོ་ཀོཏྟ་ར་