[A:98]བྱོན་པ་ཡིན་པས་སོ༎
དེ་སྣེའུ་ནས་སྟོན་ཆག་ལ་ཆོས་སྡིངས་སུ་ཕེབས། གླིང་སྨད་གདན་ས་ཤེས་རབ་དཔལ་ལྡན་པས་ཞུས་པའི་ཟླ་ལ་དེ་ལོ་ཡང་ནཻ་གུའི་ཁྲིད་ཆོས་སྨིན་པ་ཅིག་གསན་གསུང་ཞིང། དེ་མཚམས་ཁོང་རྣམ་པ་ལ་སྤྲོས་མེད་ཀྱི་ཁྲིད་གནང་རྒྱུར་འདུག་ཀྱང། རང་རེས་གསང་ཕུའི་དགུན་ཆོས་ལ་བསྙགས་ཡོངས་པས་མ་ཐོག་གསུང་ངོ༎
དེའི་ལོའི་དགུན་ཆོས་སྟེངས་སུ་ཆེན་པོའི་མངའ་གསོལ་ཡང་བཞེས། གསང་ནེའུ་ཐོག་གི་འདུས་པའི་དགེ་འདུན་ས་དགེ་གཉིས་ཚོགས་བསྟོད་བཀུར་བྔགས་གསུམ་གྱི་ཡུལ་མཆོག་ཏུ་བཀུར་ཞིང། དེ་དུས་གསང་ཕུ་བའི་མཚར་གཏམ་ལ། རང་རེ་མཚན་ཉིད་ཀྱི་ཐ་སྙད་དུ་གྲུབ་པའི་ཚུལ་འདི་གླིང་སྟོད་ན་དབུ་ཚད་ཀྱི་ཡུལ་ལ་འདྲིས་པའི་གཉལ་པས་དམ་བཅའ་བཞག། གླིང་སྨད་ནས་རིགས་པའི་བརྡ་སྦྱངས་པའི་ཆེན་པོ་པས་བགྲོས་གླེང་བཏང་དུས། དགེ་བའི་བཤེས་གཉེན་ནང་ཁོ་ནའི་སྤྱོད་ཡུལ་དུ་གྱུར་པའི་ལུང་རིགས་ཡང་དག་གཅིག་གི་ལྟད་མོ་ཆེན་པོ་འདུག། གཞན་རང་རང་གི་ཤེས་འདོད་སྒྲུབ་པའི་ཁྲབ་ཁྲབ་དེར་ཟད་ཅེས་ཞེ་ནས་སྒྲོག་པ་བྱུང་ངོ༎ ཞེས་དེ་དུས་གསང་ཕུར་ཡོད་པའི་སློབ་དཔོན་སྲས་མཆོག་སོགས་ཀྱི་ངག་ལས་སོ༎
དེའི་ཕྱི་ལོ་མེ་ཕོ་ཁྱི་ལོ་vc: 1466དབྱར་བཞུགས་གླང་ཐང་ན་བཞུགས་ཡོད་སྐབས། ཆོས་སྡིངས་རིན་པོ་ཆེའི་སྐུ་རིམ་ལ་འཕན་ཡུལ་གྱི་སེར་ཚོགས་བསགས་པའི་དབང་ལས། ངེད་ཆོས་ཀྱང་ཕྱིན། གྲལ་དབུ་ལ་བདག་ཆེན་བློགློ་གྲོས་རྒྱལ་མཚན་པ་ནཱ་ལེནྡྲར་ནས་སྤྱན་དྲངས་སོང་ཞིང། ངེད་ཀྱིས་ཀྱང་ཐོག་མ་རང་དེ་ཉིད་དུ་མཇལ། ཚོགས་གོལ་རྗེས། སྤྱང་ལུང་རིན་པོ་ཆེ་པའི་དྲུང་དུ་མཇལ་བ་ལ་ཕྱིན་དུས། བཀའ་ལུང་ལ་ན་ནིང་ཞིག་རང་རེའི་དེ་རིང་འདྲ་བའི་རིམ་གྲོའི་དབུ་ལ་བདག་པོ་རྒྱ་གར་བ་སྤྱན་དྲངས། དེ་དུས་རྨི་ལམ་དུ་ཆོས་སྐྱོང་གི་རྣམ་འཕྲུལ་ཆེ་བ་འགའ་བྱུང། མདངས་ནུབ་ནི་རྣམ་པར་རྒྱལ་མའི་མཆོད་