[A:479]གསུམ་གྱི་བཞུགས་ཚུལ་ལ་སོགས་བསྟན་བཅོས་ཀྱི་ཡི་གེར་བཀོད་ཟིན་པ་རྣམས་བཤེས་གཉེན་སྤོབས་པ་ཆུ་བོའི་རྒྱུན་ལྟར་གྱུར་པ་རྣམས་ཀྱིས། ཚོགས་པ་རྒྱ་མཚོའི་དབུས་སུ་འཇིགས་མེད་སེང་གེའི་ང་རོ་བསྒྲགས་པ་ཡིན་ནོ།
དེ་ནས་ཉི་མ་བདུན་ཙམ་གྱི་རིང་ལ་ཉིན་ཐོག་ཐ་རིགས་གྲྭ་དང་ལུང་གྲྭ་ཆེ་བའི་གྲྭར་བཞུགས་པའི་བཤེས་གཉེན་དག་གཉིས་ཚན་བཞེངས་པ་དང། ཁྲོམ་ཚོགས་སུ་བཞུགས་པ་དང་བཀའ་བགྲོ་བ་དང་རིགས་པའི་ཚུལ་གླེང་བར་མཛད། ལུང་རིགས་ཀྱི་གྲྭ་འབྲིང་དང་ཆུང་ངུར་བཞུགས་པ་རྣམས་ཀྱི་མཚན་ཐོག་ཐ་སྔ་མ་ལྟར་མཛད་པ་དང། དེ་ལས་གཞན་པ་རྣམས་ཀྱིས། ཆོས་ཁྲིའི་ཐང་ཡངས་པོར་གཞུང་ལས་པས་གང་སྐྱུར་བའི་གཞུང་དེ་ལེན་པ་དང། གཞུང་མཚམས་དང་མཐའ་གཅོད་པ་དང། འབྲུ་མནོན་པ་དང། སྦྱོར་བ་འགོད་པ་དང། ཐ་ན་གཞུང་དེའི་མཚམས་ནས་འདབ་མ་རེ་ཙམ་འདོན་པ་ལ་སོགས་པའི་བགྱི་བས་རྒྱལ་བ་སྲས་བཅས་བསྟན་པ་བསྲུང་བའི་ཆོས་སྐྱོང། དཀར་པོ་ལ་དགའ་བའི་ལྷ་དང། ཕྱོགས་ཕྱོགས་ནས་འདུས་པའི་སྐྱེ་བོའི་ཁྲོམ་ཁྲི་ཕྲག་ལྷག་ཙམ་ཚོགས་པ་རྣམས་གོ་རིམས་བཞིན་དུ་དགྱེས་པ་དང། བསྟན་པ་བསྲུང་སྤྲོ་བ་དང། མགུ་བ་དང། ཤིན་ཏུ་ཡིད་རང་བར་གྱུར་ཏོ།
མཆོད་པའི་ཚོགས་ཇི་ལྟར་སྦྱར་བ་ནི། དཀོན་མཆོག་གསུམ་གྱི་རྟེན་རྒྱ་མཚོ་ལྟ་བུའི་དྲུང་དུ། གོས་དར་གྱི་ན་བཟའི་ལྷབ་ལྷུབ་དང། ཕྱེ་མའི་ཕུར་མ་དང། གདུགས་དང་རྒྱལ་མཚན་དང། བ་དན་གྱི་ཁྱད་པར་བཅུ་ཕྲག་རེ་དང། མེ་ཏོག་དང་དྲི་དང། ཁལ་ལྔ་བཅུ་ཙམ་གྱི་ཞལ་ཟས་ཟུང་གིས་ཐོག་དྲངས་པའི་ལྔ་བརྒྱ་ཙམ་དང། དཀར་མེའི་ཕྲེང་བ་ཉིན་མཚན་འཁོར་ཡུག་ཏུ་བརྒྱ་ཙམ་དང། མཚན་ཐོག་ཐ་མར་མེའི་རྒྱལ་མཚན་བརྒྱ་ཕྲག་གཉིས་དང། གཞན་ཡང་རོལ་མོའི་བྱེ་བྲག་སྣ་ཚོགས་པ་རྣམས་ཀྱིས་བཀུར་སྟི་དང།