[A:53b]zhes dang / yang des/ shes rab 'byung gnas skyes pa na/ /shes bya'i tshogs rnams mi 'dar na/ /de la sems med yang na ni/ lkugs pa'am ba glang mngon sum yin/ /zhes gsungs pa dang / bram ze'i slob dpon shaM ka ra nandas/ wA rA Na sIr bram ze'i paNDi ta rnams dang brtsad pa na/ slob dpon gyi rig pa shin tu brling ba de dag gis ma go bas/ slob dpon la rtog ge'i 'jug pa ma shar zer smad pa'i tshe/ slob dpon gyis/ nya pa'i tshogs kyis rin chen rin thang med rnyed pa/ /kun gyi rab bsnam yang yang myang zhing brdar mod kyi/ /dri dang ro dang kha dog 'dod bzhin ma rnyed pas/ /rnam par smad de rgya mtsho'i nang du dor zhes grags/ /kwa ye rin chen blun po'i tshogs kyi lag 'grims nas/ /ma bsregs ma brdungs phye mar rlag par ma byas par/ /rang gi gnas su phyin pas dga' ba cis mi bsgom/ /bde byed dga' bo'ang gnas skabs de dang 'dra bar 'gyur/ /zhes gsungs shing / yang slob dpon smra ba'i seng ges/ yang nas yang du lag gnyis brkyangs nas rab smras nas/ /ji ltar rig par ring ring ltar de brjod pa'i tshe/ /smra ba'i seng ge rgol ba kho bo 'khod gyur na/ /dbang phyug chen po'ang yi ge tsam yang shes ma yin/ /zhes bris nas snyug ring la btags nas mkhas pa'i grwa sa rnams su dril bsgrags pa dang / paNDi ta shrI gha na shrI na re/ rab tu byed pa sde bdun lus grims rnam 'grel rgyan gyi mche ba can/ /chos mchog ral pa'i khur 'dzin brda sprod byed pa'i sder mo rab rno bas/ /mu stegs glang po'i klad 'gems rgol rnams skrag byed gang byed