[A:54b]'dra/ de nas bla ma'i rnal 'byor 'di gnang bas/ bla ma la sangs rgyas kyi 'du shes skyes/ sangs rgyas thams cad kyi ngo bo 'phags pa 'jam dpal du mthong / mos gus thun mong ma yin pa skyes/ de nyid kyi 'chi ltas las grol/ khams shin tu bde/ de nas sgra/ tshad ma/ snyan ngag sdeb sbyor/ tshig gi rgyan/ gsang sngags/ pha rol du phyin pa/ mngon pa/ 'dul ba la sogs pa lung dang rig pa'i gnad thams cad phyin ci ma log par rtogs par gzod go /sde snod thams cad la mi 'jigs pa'i spobs pa thob/ lha 'dre mi gsum yang byams par byung / rgya gar gyi rgyal po la sogs pa nga rgyal can thams cad nged la chos zhu zer nas rtsis su byed pa'ang gzod byung / nang du yang dag pa'i rtogs pa cung zad skyes so zhes pa dang / bstod pa byed pas kyang / zab mo'i lam gyis byin gyis brlab pa'i tshe/ /rje btsun bla ma 'jam pa'i dbyangs su gzigs/ /skad cig gcig la chos rnams thugs su chud/ /thugs grol khyod la spyi bos phyag 'tshal lo/ /zhes gsungs so/ /gzhan yang rje btsun chen po de ni bdag nyid chen po 'di'i sku tshe mang po'i dge ba'i bshes gnyen yin te/ sa skya na chos gsung gin bzhugs pa na skye ba nyi shu rtsa bdun du tshad ma rnam 'grel la mkhas pa'i paNDi ta yin no/ /skye ba de dang de dag tu rje btsun grags pa rgyal mtshan dge ba'i bshes gnyen du gyur pa yin no/ /de ma yin pa gzhan gyis khyod 'dul bar 'os pa ma yin no zhes nam mkha' las grags so zhes so/ /dus gzhan na sum cu rtsa bdun zhes sogs gsan no/ /skya'o kha gdangs su