[A:56b]ba'i ma ltar/ bzod glags med pa'i thugs rje chen po de lta bu'i sdug bsngal las thar ba'i thabs kyang / chos thams cad kyi de kho na nyid phyin ci ma log par ston pa yin zhing / bdag nyid kyang de lta bu ston pa'i ston par 'gyur ba'i smon lam rgya mtsho'i rdul dang mtshungs pa legs par grub pa'i rlung gi bzhon pas shes bya'i mkha' la legs par drangs te/ legs par bshad pa'i 'od zer mtha' yas pa phyogs bcur 'phros te/ gdul bya rnams kyi mi shes pa'i mun pa drungs nas phyung zhing phan pa dang bde ba'i padmo'i tshal phyogs bcur rgyas par mdzad pas na/ legs par bshad pa rin po che'i tshogs kyi 'byung gnas su gyur pa yin te/ de yang rig pa'i gnas de dag slob ma'i tshogs la rang rang gi skal ba dang 'tshams par ston pa la nam yang g.yel ba mi mnga' zhing / khyad par du 'khor ba'i sdug bsngal gyi rtsa ba bdag tu mngon par zhen pa yin zhing / de'i gnyen po bdag med rtogs pa'i shes rab yin cing / de yang rig pa'i gzhung lugs shes pa sngon du 'gro ba yin la/ rig pa'i gtso bo mtha' bral dbu ma'i gzhung las 'byung zhing / de rtogs pa yang rnam 'grel mdzad pa'i gzhung la rag las par dgongs nas/ de'i gzhung gi gtso bo rgyas pa'i bstan bcos tshad ma rnam 'grel gyi bshad pa bdag nyid chen po rngog blo ldan shes rab kyis cung zad tshugs na'ang bar skabs su nub pa la/ slar yang dar zhing rgyas par bya ba'i phyir dang / kha che paN chen gangs ri'i khrod du byon pa'i bka' drin gyis lam po che dod par bya ba'i phyir/ gzhung lugs chen po'i chos thun re nyin re bzhin