[A:58b]mtha' dag gi don bsdus pa dang / sgra'i bstan bcos mkhas pa 'jug pa'i sgo dang / shes rab 'phro ba dang / shes rab la 'jug pa dang / sgra nyer bsdu zhes bya ba bzhi dang / tshad ma'i bstan bcos sde bdun gyi snying po rig pa'i gter 'grel pa dang bcas pa dang / bzo'i bstan bcos/ sku gzugs kyi bstan bcos dang / sa brtag pa dang / bstan pa rin po che'i rtsis dang / sman dpyad kyi bstan bcos yan lag brgyad pa'i bsdus don dang / nang rig pa la gsung rab spyi'i don gsal bar byed pa la sangs rgyas byang chub sems dpa' la zhu ba'i 'phrin yig grub mtha' rnam 'byed dang / pha rol phyin pa'i gzhung lugs spyi'i tshogs chos chen mo dang / gsang sngags la rje btsun pas mdzad pa'i bdag med ma'i bstod pa'i 'grel pa/ rdo rje theg pa'i man ngag rten 'brel lnga'i yi ge lam sbas bshad dang bla ma'i rnal 'byor/ khrid kyi dkar chag la sogs pa du ma dang / rig pa'i gnas chung bar grags pa la/ sdeb sbyor me tog gi chun po dang / de'i ngal gso'i dpe tsam ston pa bde bar gshegs pa'i thugs rje la bskul ba dang / snyan ngag mkhas pa'i kha rgyan dang / mngon brjod tshig gi gter dang / zlos gar rab dga'i 'jug pa dang / de'i rol mo dbyangs 'dren pa'i phyogs tsam ston pa rol mo'i bstan bcos dang / gzhan de dus na chos rje nyid gangs can gyi khrod na lung rigs man ngag thams cad la the tshom za ba thams cad kyis 'dri ba'i gnas yin pas/ zhang lo/ chag lo/ glo bo lo tsA ba gsum la sogs bsngags pa dang / dge slong rdo rje seng ge sogs bka'