[A:59b]mdzad pa ni/ rje btsun gong ma rdo rje 'chang dang gnyis su ma mchis pa'i gzhung lugs rnams mi nyams pa'i phyir kho na yin no/ /gsung rab de dag gi rnam grangs mdo tsam zhig gong du brjod zin yang 'dir zhib tu brjod na/ sgra'i phyogs la shes rab 'phro ba/ sgra la 'jug pa/ smra sgo'i bsdus don/ byis pa bde 'jug gi 'grel pa/ yi ge'i sbyor ba/ sgra nye bar bsdu ba rnams mdzad la/ tshad ma la rig pa'i gter rtsa 'grel/ snyan ngag la mkhas pa'i kha rgyan bde bar gshegs pa'i thugs rje la bskul ba mdzad/ sdeb sbyor la sdeb sbyor me tog gi chun po/ mngon brjod la tshig gi gter/ zlos gar la rab dga'i 'jug pa dang rol mo'i bstan bcos/ bzo rig pa la sku gzugs kyi bstan bcos dang sa brtag pa'i rab byed/ gso ba rig pa la yan lag brgyad pa'i don bsdus/ nang rig pa la bstod pa'i skor la/ sangs rgyas kyi bstod pa/ thub pa'i bstod pa/ spyan ras gzigs kyi bstod pa gnyis/ 'jam dbyangs kyi phyag mtshan ri mo la bstod pa/ bsam yas lhun gyis grub pa'i gnas chen la bstod pa/ 'jam dbyangs kyi bstod pa'i rnam bshad rnams mdzad/ theg pa thun mong la/ grub mtha'i rnam 'byed/ thub pa dgongs gsal/ sdom gsum rab dbye/ sems bskyed chen mo lung sbyor dang bcas pa/ chos nyams su blang ba'i rim pa/ chos spyod bcu pa/ zhen pa bzhi bral/ theg pa chen po'i lam gyi rnam gzhag mdor bsdus pa/ bsngo ba'i yon bshad rnams mdzad/ gzhung lugs spyi la mkho ba mkhas pa 'jug pa'i sgo/ gzhung lugs legs dpyad/ lugs