[A:64b]bshad pa'i rgyas pa'i 'chi ltas ni gang zag 'ga' tsam la mi 'byung zhing / byung ba'i tshe na ni dus nges pa can yin no zhes bshad la/ shar pa shes rab 'byung gnas la de lta bu'i ltas byung ba'i tshe/ bla ma'i rnal 'byor 'ba' zhig thugs dam du mdzad cing gsol ba btab pas rgyas pa'i 'chi ltas las kyang grol te/ /yun ring du bzhugs so zhes kyang rnam thar las gsungs so/ /gzhan yang 'di nyid gang na bzhugs pa'i sa phyogs su 'byung po'i gdon gyis byas pa'i rims nad dang / phyi nang gi 'khrug long dang lo nyes la sogs pa mi 'byung zhing / rgya lam zhig na byung na yang nyid kyi mthus myur du zhi ba dang / spyod yul gyi 'gro ba rnams kyang phan tshun byams pa'i sems dang ldan pa yin no/ /des na 'di nyid ji srid bzhugs pa de srid du yul 'dir hor la sogs pa pha rol gyi dmag dang / nang gi 'khrug pa la sogs pa gtan nas ma byung ngo / /rgyas pa'i 'phrin las kyang chos dang 'jig rten gyi dpal 'byor phun sum tshogs pa grangs med pa zhig byung ste/ bshad sgrub kyi bstan pa'i pad tshal shin tu rgyas par gyur nas/ mkhas pa dang grub pa'i yon tan brnyes pa'i slob ma'i tshogs grangs med pa bskrun zhing / rang dang dus mtshungs pa'i mkhas pa'i skye bo ches che ba dag gis kyang zhabs kyi padmo spyi bo'i gtsug tu gus pas blangs te mchod par byas so zhes thos te/ dper na/ de dus kyi 'chad nyan smar zhing mkhas par grags pa smyal zhig 'jam pa'i rdo rje dpon slob rnams yin pa las/ chos rje pa'i snyan grags shin tu ma bzod nas/ bu dgu'i rig pa bzang shos 'u yug pa