[A:89b]med pa ri mos spras shing sra ba/ mtshon dang gzong gis mi phigs pa/ thugs ka ru nor bu dpal be'u phung phung yong ba cig gis mgo byas skyel bzang po thang gnyis bskur/ gros dang bslab bya legs par byas btang ba'i mthu dang rten 'brel 'grig pas mu stegs pa'i dpung tshogs pham par byas te/ nang pa'i bstan pa nyin mo ltar gsal bar byung bas/ rgya gar rgyal blon thams cad dga' bar gyur te/ 'di lta bu'i bstan pa 'byung pa 'di rgya nag rgyal po khyed kyis sems brtse ba'i bslab bya dang / skyel bzang po rim par bskur byung ba'i stobs dang nus pa yin pas khyed drin che ba yod/ skyel lan la ci 'dod pa bskur bas lan srings shig byas pas/ rgya nag rgyal po na re/ khyed de ltar sems na sangs rgyas dgung lo brgyad pa'i sku tshad dang / sangs rgyas kyi chos dung / chu klung gi mdo/ rgyan stug po bkod pa'i mdo/ 'dul ba ko sha dang / za ma tog bkod pa'i mdo dang bzhi/ dge slong sdom brtson ldan pa bzhi sde dang bcas pa bskur cig zer byung ba nas/ rgyal po dharmA pha la na re/ nged kyi yi dam gyi lha shAkya mu ne sogs gzhan du 'byon pa sems kyis thong ba med na'ang khyed drin che ba yin pas gdan drongs la 'gro ba mang po'i don rgyas par mdzod cig gsungs nas mchod rdzas kyi bye brag du ma dang / skyel bsu'i bshom rgyas par byas nas jo bo dang chos dung 'di nyid sogs rgya nag tu spyan drangs pa yin cing / rgya nag nas sa skya pa'i phyag tu byung tshul ni/ gong du brjod pa bzhin chos rgyal 'phags pa la se chen gyis phul ba nyid yongs grags yin mod kyang / yang