R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}
[A:95a]ma ltar byams sems ldan/ /'phrin las lhun grub rgya mtsho'i mthas gtugs 'gro bas mchod/ /mong gor rgyal po 'jig rten
'di yan 'phags pa rin po ches mdzad/
kun gyi dpal du shar/ /de ltar bla ma dkon mchog rnams kyi byin rlabs dang / /gnam gyis bskos pa'i rgyal po jing gir gan ji dang / /ye ga rgyal po mong gor rgyal po'i bsod nams kyis/ /sangs rgyas bstan la phan phyir go pe la yi gtam/ /yang dag par rdzogs pa'i sangs rgyas shAkya thub pa mi 'phrogs pa'i mkhyen rab dang / dmigs pa med pa'i thugs rje dang ldan pa/ zla ba nya gang ba ltar bsod nams dang ye shes kyi tshogs yongs su rdzogs pa dang / nyi ma'i dkyil 'khor ltar ma rig pa'i mun pa 'khor dang bcas pa bcom pa/ ri dwags kyi rgyal po seng ge ltar bdud dang mu stegs thams cad las rgyal ba ste/ de'i yon tan dang / 'phrin las dang / bstan pa la/ nga dang cha bu ga bstun yid ches pa'i stobs kyis/ de snga yin na'ang bstan pa dang dge 'dun gyi bdag po byas/ da lta yin na'ang chos kyi rje sa skya pa dang / slob dpon 'phags pa la dad pa thob/ chos la yid ches nas chu mo glang gi lo la dbang bskur zhus/ chos kyang mang du thob pa dang / lhag par yang bstan pa dang dge 'dun gyi bdag po bya snyam pa yin/ de'i rgyu mtshan gyis slob dpon 'phags pa'i ngo la gtsang gi rgyal khams kyi dkon mchog gi rten dang / dge 'dun gyi sde la gnod pa bsrung ba'i 'ja' sa bzang po 'di chos kyi 'bul bar byin pa yin/ gzhan yang slob dpon la na bza' gser